Harro Herri, Deba Korrika

2024ko martxoaren 20a

● Debak gogotsu hartu du gaur Korrikaren 23. edizioa, euskararen aldeko babesa eta konpromisoa berretsiz

Debako kaleak emozioz eta aldarrikapenez bete dira gaur: Korrikaren 23. edizioari besoak zabalik egin diote ongi etorria herrian. Une berezia izan da Korrika Debatik igaro den momentua. Ibilbidearen izkinetan bildu dira herritarrak, lasterketa igaro ahala, parte hartu ahal izateko. Guztira 31 lagunek eman dute lekukoak, Korrikak herrian zehar egin dituen 7 kilometroetan zehar; Mendarotik sartu da, eta Deba Mutrikurantz bidean utzi du 23. edizioak.

"Harro Herri, Deba Korrika" leloa oihukatuz, debarrek euskararen aldeko babes irmoa berretsi dute.  

Irundik Baionara

Euskararen aldeko ekitaldi honek bere ibilbidearen erdia egin du gauerdiko lehen orduetan. Horrela, Euskal Herriko kale eta herrietan barrena jarraituko du bere bidea, igandean Baionara iritsi arte.