HEMEN DA UDA KIROLA 2016 PROGRAMA

Urtero bezalaxe, hemen dira aurten ere Uda Kirola programaren baitan antolatzen diren kirol ikastaroak. Uda honetan zehar etxeko txikienek uretan gauzatzen diren hainbat kirol praktikatu ahal izango dituzte; hala nola, surfa, body boarda, piraguismoa eta igeriketa. Xake ikastaroa ere izango dugu abuztuan.

Ikastaroek bost eguneko iraupena izan ohi dute; astelehenetik ostiralera bitartean. Lehen txandak ekainaren 27an hasiko dira eta abuztuaren amaierara bitartean asteko ikastaroak izango ditugu aukeran. Ikastaroen inguruko informazio guztia izen-emate orriarekin batera aurki dezakezue.

• Surfa (8-16 urte bitartekoentzat):

  • Hiru txanda: 10:00-11:30, 11:30-13:00 eta 17:00-18:30

  • Prezioa: 30 €

  • Taldea osatzeko gutxieneko pertsona kopurua: 5

  • Beharrezkoa da igerian jakitea

• Body board (6-16 urte bitartekoentzat):

  • Bi txanda: 10:30-12:00 eta 12:00-13:30

  • Prezioa: 30 €

  • Taldea osatzeko gutxieneko pertsona kopurua: 5

  • Beharrezkoa da igerian jakitea

• Piraguismoa (11-16 urte bitartekoentzat):

  • Bi txanda: 10:00-11:30 eta 11:30-13:00

  • Prezioa: 33 €

  • Taldea osatzeko gutxieneko pertsona kopurua: 4

• Piraguismoa (16 urtetik gorakoentzat):

  • Ordutegia: arratsaldez

  • Prezioa: 53 €

  • Taldea osatzeko gutxieneko pertsona kopurua: 4

• Igeriketa (2007-2008an jaiotakoentzat):

  • Noiz: uztailak 4-15

  • Ordutegia: 15:00-15:45

  • Prezioa: 50 €

  • Taldea osatzeko gutxieneko pertsona kopurua: 20

• Xakea (14 urtetik beherakoentzat):

  • Noiz: abuztuak 1-5

  • Ordutegia: 16:30-18:00

Izen-ematea turismo bulegoan egin beharko da. Horretarako, izen-emate orria dagokion bezala bete eta bertan azaltzen den kontuan egindako transferentziaren ordainagiriarekin batera hemen entregatzea beharrezkoa izango da. Izena emateko epea datorren astelehenean, ekainaren 13an, hasiko da Debako haurrentzat. Kanpokoen kasurako, aldiz, astebete beranduago; hilaren 20an, hain zuzen ere. Izen-emate orria eskuratzeko egin klik hemen.

Informazio gehiago behar izanez gero, deitu 943 19 24 52 telefonora edo idatzi turismoa@deba.eus helbidera.

Oharra: emailez edo telefonoz jasotzen ditugun eskaerak kontuan hartzen ditugu; baina lehentasuna eman ohi diegu bulegora hurbiltzen direnei.

Udan Futbola

Kirol zerbitzuak antolatzen dituen ikastaroez gain, Amaikak Bat Kirol Elkarteak ere bere udalekuak antolatzen ditu. Aurtengo uztailean zehar 2005, 2006, 2007 eta 2008an jaiotako haurrek izango dute futbolaz gozatzeko aukera.

Ikastaro honen iraupena hilabetekoa da; hau da, lau astetan zehar 8 saio izango dituzte animatzen diren haurrek. Izen-emateak Turismo bulegoan egingo dira ekainaren 20ra bitartean. Ikastaro honen prezioa 50 €-koa da eta hemen ordaindu beharko da izena ematen den une berean.

Oraindik data zehatzik ez dugun arren, aurrerago bilera bat egingo da apuntatu diren haurren gurasoekin udalekuen berri emateko.