SURF & ROLL DEBAN

2015ko uztailaren 30aSURF & ROLL DEBAN

Datorren abuztuaren 1ean hasiera emango zaio Yako Debako Surf Eskolak eta Debako Udalak antolatutako Surfing Deba jaialdiari. Lehen egun honetan zehar bertaratutakoek ekintza ezberdin ugariz gozatu ahal izango dute: ur-ekintzak, kulturalak ...

Goizeko 10:00etan hasiko dugu eguna Yako Debako Surf Eskolaren ate irekiekin. Bertaratzen diren guztiek Eskolak eskaintzen dituen ekintzez gozatu ahal izango dute; Surf ikastaroak, Stand Up Paddle, etab.

Bazkalostean, 16:00etan eguneko ekitaldirik garrantzitsuena iritsiko da, Euskadiko laugarren SUP RACE txapelketa. Karrera honetan zehar hurbildu direnek Euskadiko SUP surfistarik onenak zuzenean ikusteko aukera izango dute. Honen ondoren, izen-emate libreko beste lasterketa bat antolatuko da nahi duenak uretako kirol batean lehiatzeak dakartzan sentsazioak ezagutu ditzan. Behin karrerak amaituta, sari banaketa izango da.

Arratsaldeko lasterketak bukatuta, Ondargain tabernan kontzertuei hasiera emango zaie. 20:00etan "Izaro" abeslari eta musikagilea hasiko da. Afaltzeko tartetxo baten ondoren, "Wild Beach" taldeak joko du 23:00etan eta ekitaldia ixteko 24:00etatik aurrera Rasla DJ-ak musikarik onena jarriko du eguna modurik onenean bukatzeko, DANTZAN!!

 

DEBAKO SUP RACE FROGA

Euskadiko laugarren SUP RACE froga Zurrunbilo surf klubak eta EHSF antolatu dute YAKO Surf Eskolaren eta Debako Udalaren babesarekin.

Froga hiru kategoriatan banatuko da: PRO, AMATEUR, JUNIOR

  • PRO: Distantzia luzeko zirkuitua da eta 12 km dauzka (zirkuituari 3 bira). 12.6" eta 14" gizon eta emakume. Izen-ematearen prezioa: 15 €
  • AMATEUR: Zirkuitu txikiagoa, 4 km (bira bakarra) eta parte-hartzea librea da. Izen-ematearen prezioa: 10 €
  • SUB18: 4km zirkuitua (bira bakarra). Izen-ematearen prezioa: 10 €

 

Izen-emateak  Debako Surf Eskolaren ondoan kokatuko den mahai batean egin beharko dira txapelketaren egun berean 15:00-16:00 bitartean.  Ordainketa izen-ematearekin batera egingo da.

Lasterketa 16:00etan hasiko da eta sari banaketa karrera guztien ondoren izango da. PRO eta JUNIOR kategoriak bakarrik hartuko dira kontuan Euskadiko SUP RACE zirkuituko rankingean. Jarraituko den araudia Supaarena izango da (http://supathletes.com/supaa-rulebook/)