Debak gaueko autobus zerbitzua izango du San Roke jaietan

2026ko abuztuaren 10a

Zerbitzuak Zumaia, Itziar eta Deba lotuko ditu abuztuaren 14tik 17rako gauetan, alternatiba segurua, erosoa eta jasangarria eskainiz.

Debako San Roke jaiak direla eta, Lurraldebusek gaueko autobus zerbitzu berezia eskainiko du abuztuaren 14an, 15ean, 16an eta 17an, herritarren joan-etorriak errazteko eta jai-gauetan garraio publikoaren erabilera sustatzeko.

Ordutegiak eta ibilbidea

Zumaia → Itziar → Deba

Zumaiatik irteerak: 01:00, 03:00, 05:00 eta 07:00.

Autobusa Itziartik (N-634 Jatetxea) igaroko da 01:15, 03:15, 05:15 eta 07:15ean, eta Debara (Alameda) 01:30, 03:30, 05:30 eta 07:30ean iritsiko da.

Deba → Itziar → Zumaia

Debatik (Alameda) irteerak: 01:30, 03:30 eta 05:30.

Zerbitzua Lurraldebusek eskainiko du, eta jaietan mugikortasun jasangarriagoa, erosoagoa eta seguruagoa sustatzea du helburu, ibilgailu pribatuaren erabilera eta horri lotutako arriskuak murriztuz.

Ordutegiak Lurraldebusen webgunean edo erabiltzaileentzako 900 300 340 telefono-zenbakian kontsultatu ahal izango dira.