Dirulaguntzak emango dizkie Udalak kirol elkarteei 2022-2023 denboraldiagatik

2024ko otsailaren 12a

Guztira 16.000 eurorekin lagunduko ditu Udalak hainbat kirol elkarte, herriagatik egiten duten lana balioan jartzeko eta babesteko.

Debako Udalak 16.000 euroko dirulaguntza onartu du udalerriko kirol elkarteen 2022-2023 denboraldia diruz laguntzeko. Helburua da Deban kirol mota desberdinak sustatzeko egiten duten lana balioan jartzea eta haien jarduerak babestea.

Dirulaguntzak onartzeko, erakunde onuradun bakoitzak egindako gastuak justifikatu dira, 2022-2023 denboraldiko memoria eta dagozkion fakturak aztertuz, eta horrez gain, dirulaguntzaren xede den jarduera beraren gainean gain-finantzaketarik ez dagoela ziurtatu da.

Honakoak dira elkarte bakoitzari emango zaizkion dirulaguntzak:

Deba Xtreme Triatloi Taldea

300 euro

San Roke Xake Taldea

300 euro

Iruleak Emakume Pilotariak

515,25 euro

La Lubina Arrantza Kirol Elkartea

524,80 euro

Amaikak Bat Ke Txirrindularitza Sekzioa

543,85 euro

Jo ta Su Boxing Kluba

677,45 euro

Debakayak Piraguismo Kluba

1.269 euro

Burdin Kurutz Mendi Kluba

1755,65 euro

Debasket Saskibaloi Kluba

3444,50 euro

Amaikak Bat KE Futbol Sekzioa

6.669,50 euro

Hurrengo denboraldian, aurrekontu partida handiagoa

Kirol elkarteak babesten jarraitzeko, 2023-2024 denboraldirako aurrekontu-partida %12,5 handitu du Udalak herriko kirol elkarteen dirulaguntzetarako, 16.000 €-tik 18000 €-ra.