Albisteak

2018ko San Roke jaietarako kartel lehiaketa abiatu du Udalak

2018/07/09
Partehartzaileek uztailaren 16tik 20ra bitartean aurkeztu beharko dituzte euren lanak udaletxeko kultura sailean. Kartel irabazlea aurtengo jaiak iragartzeko erabiliko da, eta 500 euroko saria lortuko du.

2018ko San Roke jaietarako kartel lehiaketa abiatu du Udalak - Gehiago irakurri

Herritarrek aukeratuko dute Debako I. eskultura sariketako irabazlea

2018/06/06
Debako I. eskultura lehiaketako irabazlea aukeratzea herritarren esku utzi du epaimahaiak. Aurrez aurre edo www.deba.eus web orrialdearen bitartez bozkatzeko aukera egongo da datorren astean zehar.

Herritarrek aukeratuko dute Debako I. eskultura sariketako irabazlea - Gehiago irakurri

Debako Udalak aurtengo udarako kirol programa argitaratu du

2018/06/07
Surf, body board, arraun surf, zumba, krossfit eta xake ikastaroen eskaintza zabala prestatu du udal kirol zerbitzuak aurtengo udarako. Programa honen helburua da haur eta gazteek, ingurumenaz gozatu eta ikasten duten bitartean, udan kirola egitea.

Debako Udalak aurtengo udarako kirol programa argitaratu du - Gehiago irakurri

Debako Udalak kontrol sistema berria jarri du martxan Astillero kalearen amaieran eta zeharbideko semaforoetan

2018/06/08
Matrikulak irakurtzeko kamera-sistema bitartez, Astilleroko oinezkoen gunera sartzen diren ibilgailuak kontrolatuko ditu Udalak. Era berean, zeharbideko semaforo gorriei kaso ez egiteagatiko arau hausteak ere kontrolatuko dira. Kontrol sistema berria gaur, ekainaren 8an, jarriko da indarrean.

Debako Udalak kontrol sistema berria jarri du martxan Astillero kalearen amaieran eta zeharbideko semaforoetan - Gehiago irakurri

Gure Balioak Sariaren 9. ediziorako hautagaiak aurkezteko epea zabaldu du Debegesak

2018/06/15
Debabarreneko eskualdean pertsona edo entitate batek bere ibilbidean zehar sustatu dituen giza balioei aitortza egitea du xede. Hautagaiak aurkezteko epea uztailaren 15ean amaituko da.

Gure Balioak Sariaren 9. ediziorako hautagaiak aurkezteko epea zabaldu du Debegesak - Gehiago irakurri

Etxola-15, Debako I. eskultura lehiaketako irabazlea

2018/06/25
Bozkatzeko epea amaituta, Udalak antolatutako I. eskultura sariketak badu irabazlea. Willy Berasaluceren Etxola-15 lana izan da bozkatuena, eta honek hiru hilabeteko epea izango du, orain, artelana gauzatzeko.

Etxola-15, Debako I. eskultura lehiaketako irabazlea - Gehiago irakurri

Debako Udalak udako surf ikastaroen eskaintza zabalduko du

2018/06/26
Programatutako surf ikastaroek izan duten harrera ona ikusita, Udalak eskaintza zabaltzea erabaki du. Momentuz, arratsaldeko txanda irekiko da uztaileko bigarren asterako.

Debako Udalak udako surf ikastaroen eskaintza zabalduko du - Gehiago irakurri

Postontzi berriak udaletxeko sarreran

2018/06/27
Udalak hamahiru gutunontzi jarri ditu udaletxeko sarreran, zinegotzi bakoitzeko bat. Hemendik aurrera, herritarrek buzoi horietan bertan utzi ahal izango dizkiete Udalbatzako kideei egoki irizten dituzten dokumentu edo ekarpenak.

Postontzi berriak udaletxeko sarreran - Gehiago irakurri

Aurtengo udan, Josette Dacostaren arte-erakusketa izango dugu Santa Maria elizako klaustroan

2018/06/28
"Etxalde baten omenez" izenburupean, Josette Dacostaren lanak ikusgai izango dira uztailean eta abuztuan. Debako erakusketa artistikoaren XIV. edizioaren inaugurazio ekitaldia larunbatean izango da, 13:00ean, Santa Maria elizako klaustroan.

Aurtengo udan, Josette Dacostaren arte-erakusketa izango dugu Santa Maria elizako klaustroan - Gehiago irakurri

Nazioarteko III. Flysch Organo Zikloa

2018/06/29
Gipuzkoako Foru Aldundiak sustatuta, Deba, Getaria, Mutriku eta Zumaiako udalek hirugarrenez antolatu dute Nazioarteko Flysch Organo Zikloa. Igande honetan emango zaio hasiera organo zikloari, eta lehen kontzertuan Fritz Langen Metropolis proiektatuko da, Deban.

Nazioarteko III. Flysch Organo Zikloa - Gehiago irakurri

AECC Gipuzkoak Debara hurbilduko du asteazken honetan azaleko minbiziaren kanpaina

2018/07/02
Debako hondartzara asteazken honetan, uztailaren 4an, helduko da azaleko minbiziaren aurkako prebentzio-kanpaina; baita hilaren 17an ere. Bertara hurbiltzen den herritar orori azaleko melanina neurtuko diote, eguzki-izpiekiko esposiziorako gomendatutako denbora ezagutzeko asmoz.

AECC Gipuzkoak Debara hurbilduko du asteazken honetan azaleko minbiziaren kanpaina - Gehiago irakurri

DEBA-MUTRIKUKO ZUBIAREN ZATI BAT BEHERATU EGIN DA, ZUTABE BAT HONDORATU ETA GERO

2018/07/05
Udala gertaeraren zergatia aztertzen ari da, arazoa lehenbailehen bideratzeko. Momentuz pasabidea ixteko erabakia hartu da, eta hango instalakuntzen egoera begiratzen ari dira.

DEBA-MUTRIKUKO ZUBIAREN ZATI BAT BEHERATU EGIN DA, ZUTABE BAT HONDORATU ETA GERO - Gehiago irakurri

Euskal Kostaldeko Geoparkeak ebaluazio misioa jasoko du aste honetan, Unescoren Munduko Geoparke izendapena berresteko

2018/07/09
Uztailaren 10etik 12ra, Geoparkeen Munduko Sareko bi ebaluatzailek Geoparkearen kudeaketa eta esparru ezberdinetan egin diren aurrerapausoak aztertuko dituzte, UNESCOren Munduko Geoparke izendapenari beste lau urtez eutsiko dion erabakitzeko.

Euskal Kostaldeko Geoparkeak ebaluazio misioa jasoko du aste honetan, Unescoren Munduko Geoparke izendapena berresteko - Gehiago irakurri

Balkoiak eta leihoak apaintzeko lehiaketen sariak banatu dituzte Deba, Eibar, Elgoibar eta Ermuako udalek

2018/07/20
Helburua izan da, herritarren parte-hartzearen bidez, lau herrien ingurumen kalitatea eta irudia hobetzea. Herri mailako sariez gainera, bi herri bakoitzeko, eskualde mailako sari bat banatu da Itziarren (Deba).

Balkoiak eta leihoak apaintzeko lehiaketen sariak banatu dituzte Deba, Eibar, Elgoibar eta Ermuako udalek - Gehiago irakurri

“Egin apustu frutaren alde, beti da bere garaia” izeneko kanpainak Debako hondartzan egingo du bihar geldialdia

2018/07/25
Ekimenak frutaren kontsumoa sustatu eta sasoikoak noiz diren jakitera eman nahi du. Lehen edizio honetan, Gipuzkoako itsasertzeko 6 hondartza bisitatuko ditu: Hondarribia, Donostiako Zurriola, Kontxa eta Ondarreta, Zarautz eta Deba.

“Egin apustu frutaren alde, beti da bere garaia” izeneko kanpainak Debako hondartzan egingo du bihar geldialdia - Gehiago irakurri

FederArte Debarock Festibala abuztuaren 11n egingo da Deban

2018/08/02
Atzo Debako turismo bulegoan aurkeztu zuten FederArte Debarock Festibala. Gipuzkoako Surf Federazioak Udalari proposatutako ekimena da, eta aurrera eramateko beharrezkoa izan da eragile askoren lankidetza eta laguntza. Festibal honekin surfa kirol bezala sustatzea eta Deba Gipuzkoa eta Euskadi mailan gehiago ezagutaraztea bilatzen da, eta udaletik herritar guztioi animatzen zaituztegu egun horretarako antolatu diren ekintza guztietan parte hartu eta egun alaia pasatzera.

FederArte Debarock Festibala abuztuaren 11n egingo da Deban - Gehiago irakurri

Jaietan ere, gureak kaleak, egunak eta gauak

2018/08/03
Udalak, Debako talde feministarekin batera, “Jaietan ere, gureak kaleak, egunak eta gauak” kanpaina aurrera eramateko erabakia hartu du. Horren bitartez, San Roke festak jai parekideak eta erasorik gabeko jaiak izatea bilatzen dute. Abuztuaren 14an SexuBizi babes gunea herritarren eskura egongo da zumardian, 01:00etatik 04:00etara.

Jaietan ere, gureak kaleak, egunak eta gauak - Gehiago irakurri

Kalakan eta L’incontro Duok irekiko dute XXXV. Udako Musikaldia, Deban

2018/08/02
Hogeita hamabostgarrenez antolatu du Udalak, Gipuzkoako Foru Aldundiaren babesarekin, Debako Udako Musikaldia. Zikloari gaur bertan emango diogu hasiera, Kalakan eta L’incontro Duoren ekitaldiarekin. Kontzertuak abuztuko ostegunetan izango dira, arratsaldeko 8etan, Santa Maria elizan.

Kalakan eta L’incontro Duok irekiko dute XXXV. Udako Musikaldia, Deban - Gehiago irakurri

San Roke jaiak ate joka

2018/08/03
Gaur eguerdian, hilak 3, 2018ko San Roke jaien egitaraua aurkeztu da udaletxeko pleno aretoan. Bertan egon dira Pedro Bengoetxea alkatea, Iñigo Cambronero festa zinegotzia eta Raimundo Amutxastegi kultur teknikaria. Festak abuztuaren 14an hasi eta 19an bukatuko dira aurten, eta egitaraua turismo bulegoan dago salgai.

San Roke jaiak ate joka - Gehiago irakurri

Kontzertu didaktikoa: "Historia inventada de la música inventada"

2018/08/20
Orotariko publikoarentzat egokia den kontzertu didaktiko eta elkarreragile honetan, musika, fantasia eta birziklatutako instrumentu bitxi mordo bat bitarteko direla, “asmatutako musikari buruzko asmatutako historia bat” kontatzen da, kultur nahiz umorezko ukitu txundigarriekin.

Kontzertu didaktikoa: "Historia inventada de la música inventada" - Gehiago irakurri

Irailaren 8an XLIX. Kaleko Margo Sariketa izango dugu Deban

2018/09/04
Kaleko margo sariketa iraileko bigarren larunbaterako aurreikusten du Udalak, urtero bezalaxe. XLIX. edizio hau ere Haitz-haundi elkarte artistikoaren eta Cardenas fundazioaren laguntzarekin antolatu du. Hitzordu honek Debako udalerriaren esentzia euren lanetan jasoko duten hainbat herritako artistak bilduko ditu.

Irailaren 8an XLIX. Kaleko Margo Sariketa izango dugu Deban - Gehiago irakurri

Debako Caritas elkarteak atzo egin zuen tonbolako azken zozketa berezia

2018/08/25
Iazko arrakastaren ondoren, aurtengo abuztuan ere ikaragarrizko tonbola antolatu du herriko Caritas elkarteak. Boleto guztiak saldu ondoren, banatu gabeko sariekin azken zozketa egin zuten atzo, abuztuaren 24an.

Debako Caritas elkarteak atzo egin zuen tonbolako azken zozketa berezia - Gehiago irakurri

Caritasen tonbolako zozketa berezian jaso gabe geratu diren sariak banatuko dira aste honetan

2018/09/01
Zozketa bereziko hainbat sari jaso gabe gelditu dira; beraz, datorren aste honetan ordezko zenbakien jabeek hartu ahal izango dituzte banatu gabeko sariak.

Caritasen tonbolako zozketa berezian jaso gabe geratu diren sariak banatuko dira aste honetan - Gehiago irakurri

Tene Mujika bekaren XIII. deialdia abian da, historia hurbilaz idazteko

2018/09/04
Debako Udalak eta Elkar argitaletxeak, Euskal Herriko historia hurbilaren ezagutza zabaltzeko eta gure literatura aberasteko asmoz, XIII. Tene Mujika beka sortu dute; 6.000 euroko diru-laguntza emango duena.

Tene Mujika bekaren XIII. deialdia abian da, historia hurbilaz idazteko - Gehiago irakurri

XLIX. Kaleko margo lehiaketan aurkeztutako lanak ikusgai izango dira astebetez

2018/09/08
XLIX. Kaleko margo sariketa ospatu du gaur Udalak, Haitz-haundi elkarte artistikoaren eta Cardenas fundazioaren laguntzarekin. Debako txoko ezberdinak islatzen dituzten 22 artelan aurkeztu dira lehiaketara eta 8 izan dira sarituak. Lanak ikusgai eta salgai egongo dira irailaren 9tik 16ra bitartean.

XLIX. Kaleko margo lehiaketan aurkeztutako lanak ikusgai izango dira astebetez - Gehiago irakurri

Zabalik da 2018/2019 ikasturterako Gozatuz aisialdi jardueretan izena emateko epea

2018/09/11
Mogel eta Zubi guraso elkarteekin batera, Debako Udalak aisialdi eskaintza zabala antolatu du aurtengo ikasturterako ere. Euskaran oinarrituta, hainbat kultur jarduera proposatzen dira; hala nola, antzerkia, argazkigintza, sukaldaritza, animazioa eta ordenagailu bidezko musika sormena. Izen-ematea zabalik da irailaren 20ra arte.

Zabalik da 2018/2019 ikasturterako Gozatuz aisialdi jardueretan izena emateko epea - Gehiago irakurri

Una mujer fantástica filmaren emanaldia eta mahai-ingurua Debako Kultur Elkartean

2018/09/17
Datorren igandean, irailak 23, "Una mujer fantástica" filma proiektatuko dute Kultur Elkartean. Proiekzioaren ondoren, Latinoamerikako LGTBI kolektiboaren errealitatearen inguruan hitz egiteko mahai ingurua egingo da.

Una mujer fantástica filmaren emanaldia eta mahai-ingurua Debako Kultur Elkartean - Gehiago irakurri

Euskal Jaia 2018

2018/09/21
Esku artean dugu jada Euskal Jaia irgarriko duen kartela! Zuhatza Euskara Elkarteak eta Debako Udalak denon gustukoa izatea espero duten egitarau zabala prestatu dute iraileko azken larunbaterako: musika, dantzak, taloak, erromeria, bazkari herrikoia eta dagoeneko aski ezaguna den marmitako lehiaketa.

Euskal Jaia 2018 - Gehiago irakurri

2017-2018 ikasturtean euskara ikasi edo UEUko ikastaroetan parte hartu duten debarrentzat dirulaguntzak

2018/09/28
Pasa den ikasturtean euskara ikasi edo UEUko ikastaroetan parte hartu duten debarren artean dirulaguntzak banatuko ditu Udalak. Laguntza jasotzeko hainbat baldintza bete beharko ditu eskatzaileak eta beharrezkoak diren agiri guztiak 2018ko urriaren 13ra bitartean entregatu beharko ditu udaletxeko harrera bulegoan.

2017-2018 ikasturtean euskara ikasi edo UEUko ikastaroetan parte hartu duten debarrentzat dirulaguntzak - Gehiago irakurri

Esan Udalari, herritarren eskaerak eta iradokizunak kudeatzeko tresna berria

2018/09/28
Herritarrengana gerturatu eta partaidetza sustatzeko helburuarekin, Debako Udalak "Esan Udalari" ataria jarri du martxan.

Esan Udalari, herritarren eskaerak eta iradokizunak kudeatzeko tresna berria - Gehiago irakurri

Udal Plenoak Euskaraldia udal barruan sustatzeko erakunde-adierazpena onartu du

2018/10/02
Pasa den osteguneko osoko bilkuran Gipuzkoako udal guztietan aurkezten ari diren adierazpen bateratua onartu zuten, euskararen erabilera indartzeko udazken honetan egingo den "Euskaraldia" izeneko egitasmoa babesteko.

Udal Plenoak Euskaraldia udal barruan sustatzeko erakunde-adierazpena onartu du - Gehiago irakurri

Geoparkeak zuhaitzak ezagutzeko tailerra antolatu du urriaren 14rako, iganderako

2018/10/06
Hitzordua, igandean, goizeko 10:00etan, Itziarko Zelaitxikin izango da (Deba). Parte hartzea doakoa da, eta parte hartu nahi dutenek aurrez izena eman behar dute ingurumena@geoparkea.com helbidera mezua bidaliz.

Geoparkeak zuhaitzak ezagutzeko tailerra antolatu du urriaren 14rako, iganderako - Gehiago irakurri

ABAOko emanaldietarako prezio bereziak, Aitzuri abesbatzaren ekimen bati esker

2018/10/11
Aitzuri abesbatzak proposatuta, ABAO-k udalentzat duen eskaintzan sartuko da Debako Udala, eta debarrok 2018-2019 denboraldiko zenbait ikuskizunetarako sarrerak prezio berezietan (59€tan) erosi ahal izango ditugu.

ABAOko emanaldietarako prezio bereziak, Aitzuri abesbatzaren ekimen bati esker - Gehiago irakurri

Beldur barik jarrera partekatu!

2018/10/12
Gazteei zuzendutako ikus-entzunezko Beldur Barik lehiaketa martxan da. Programa hau urtero egiten da gazteekin indarkeria matxista prebenitzeko asmoarekin. Aurtengo edizioko leloa "Beldur barik jarrera partekatu" izango da, sare sozialei erreferentzia eginez, kultura matxistaren zein indarkeria sexistaren adierazpen desberdinak eraldatzeko norbanako zein taldekako konpromisoa zabaltzeko.

Beldur barik jarrera partekatu! - Gehiago irakurri

Deban ere langabetuen kopurua beherantz

2018/10/15
Enpleguaren egoera hobera egin du eta Debako langabetuen kopurura %28 gutxitu da azken urtean. Debegesak egindako Debabarreneko enpleguaren egoera txostenaren arabera 169 debar langabetu zeuden erregitratuta Lanbiden 2018ko abuztuan, 103 emakumezkoak eta 66 gizonezkoak, 2017an baino 67 langabetu gutxiago alegia.

Deban ere langabetuen kopurua beherantz - Gehiago irakurri

Beirak bizitza asko izan ditzake, birziklatu ezazu

2018/10/23
Debabarreneko Mankomunitateak, Ecovidriokin batera, beirazko ontzien gaikako bilketaren aldeko sentsibilizazio kanpaina garatuko du, jasotako beira kopurua eta jasotako beiraren kalitatea gehitzeko asmoz.

Beirak bizitza asko izan ditzake, birziklatu ezazu - Gehiago irakurri

Geoparkean gidari izateko trebakuntza ikastaroa eskainiko du azaroan Euskal Kostaldeko Geoparkeak

2018/10/23
Ikastaroa azaroaren 6tik 15era eskainiko da eta doakoa izango da. Geoparkean gidari lanetan ari direnei edo etorkizunean gidari lanetan jarduteko interesa dutenei dago zuzenduta.

Geoparkean gidari izateko trebakuntza ikastaroa eskainiko du azaroan Euskal Kostaldeko Geoparkeak - Gehiago irakurri

IX. Animadeba Gortina Lehiaketa

2018/11/05
Animadeba Gortina Lehiaketako oinarriak argitaratu dira. IX. edizio honetako lan saritua 2019ko Animadeba animazio jaialdia iragartzeko erabiliko da. Partaideak unibertsitatean edo animazio eskolaren batean matrikulatuta egon beharko dira, eta lanak 2018ko abenduaren 17a baino lehen entregatu beharko dira.

IX. Animadeba Gortina Lehiaketa - Gehiago irakurri

Tripontziak ekimen gastronomikoaren bosgarren edizioa martxan da Debabarrenean

2018/11/12
Azaroaren 9tik 25era bitartean, Debabarreneko Klub Gastronomikoko kide diren eskualdeko bederatzi jatetxek kalitate handiko menu bereziak eskainiko dituzte 28 eurotan. Ekimenaren helburu dira garaian garaiko eta bertako produktuen kontsumoa sustatzea eta Debabarreneko establezimenduak zein ekoizleak ezagutzera ematea.

Tripontziak ekimen gastronomikoaren bosgarren edizioa martxan da Debabarrenean - Gehiago irakurri

Azaroak 25, Emakumeenganako indarkeriaren aurkako nazioarteko eguna

2018/11/19
Urtero bezala, Debako Udaleko berdintasun sailak “Emakumeenganako indarkeriaren aurkako nazioarteko egunaren” inguruan hainbat ekimen antolatu ditu. Ekintza hauen helburu nagusia Debako herritarrak gai honen inguruan sentsibilizatzea da.

Azaroak 25, Emakumeenganako indarkeriaren aurkako nazioarteko eguna - Gehiago irakurri

Arratoiak hiltzeko tratamendua

2018/11/17
Datorren astean arratoiak hiltzeko tratamendua egingo dute Deban nahiz Itziarren

Arratoiak hiltzeko tratamendua - Gehiago irakurri

Cardenas Fundazioak eta Debako Udalak V. literatur lehiaketa antolatu dute

2019/01/31
Bosgarren urtez antolatu dute Udalak eta Cardenas Fundazioak Debako literatur lehiaketa. Aurtengo gaia San Roke ermita izango da, eta parte-hartzaileek 2019ko martxoaren 17a baino lehen entregatu beharko dituzte euren lanak turismo bulegoan.

Cardenas Fundazioak eta Debako Udalak V. literatur lehiaketa antolatu dute - Gehiago irakurri

Debabarreneko eskualdeak ‘Basque Precision Technology District’ marka aurkeztu du, bertako sektore industrialaren aldeko apustu gisa

2018/11/20
Eskualdeko ekonomiaren hazkunde iraunkorra sustatzeko asmo garbiarekin, industria-sarearen lehiakortasuna hobetuz. Besteak beste, doitasun-teknologien, 4.0 industriaren, robotikaren eta automatikaren alde egiten.

Debabarreneko eskualdeak ‘Basque Precision Technology District’ marka aurkeztu du, bertako sektore industrialaren aldeko apustu gisa - Gehiago irakurri

"Atlantic Geoparks" europar proiektuko laugarren koordinazio batzarra egin zen atzo Euskal Kostaldeko Geoparkean

2018/11/23
Proiektuaren bazkide diren erakunde guztietako ordezkariak, bost herrialde ezberdinetako 20 bat lagun, Euskal Kostaldeko Geoparkean elkartu ziren atzo.

"Atlantic Geoparks" europar proiektuko laugarren koordinazio batzarra egin zen atzo Euskal Kostaldeko Geoparkean - Gehiago irakurri

Deba-Mutriku zubian prestatzen ari diren oinezkoen pasabidea martxoan irekiko da

2018/11/29
Tamaina handiko egitura metaliko bat jarri da 1. eta 3. zutabeen gainean uztailean kolapsatu zen gangari eusteko, eta, halaber, oinezkoen sarbide bat jarri ahal izango da Deba eta Mutrikuko ertzen artean.

Deba-Mutriku zubian prestatzen ari diren oinezkoen pasabidea martxoan irekiko da - Gehiago irakurri

Abenduaren 26tik 29ra Animadeba animazio zinemaldia izango dugu Deban

2018/12/19
Udalak hamaikagarrenez antolatu du animazio zinemaldia herrian, eta beste behin, lau eguneko egitarau zabala prestatu du haur, gazte zein helduentzat.

Abenduaren 26tik 29ra Animadeba animazio zinemaldia izango dugu Deban - Gehiago irakurri

Deban urteroko "Soro Feria" ospatuko da urtarrilaren 5ean

2019/01/02
Datorren larunbatean, urtarrilaren 5ean, Deban Urte Berriko Feria egingo da. Goizeko 09:00etarako herriko plazak baserriko produktuz beteko zaizkigu, eta kioskoan ganadu erakusketa egongo da. Goiz osoan zehar herriko musika talde eta dantzariek girotuko dute herria.

Deban urteroko "Soro Feria" ospatuko da urtarrilaren 5ean - Gehiago irakurri

Urte Berriko 43. Idi Probak

2019/01/02
14 izango dira 2019ko idi probatan lehiatuko diren idi pareak. Urtero bezalaxe, Euskal Jolas pilotalekuko probalekuan izango dira norgehiagokak. Atzo hasi ziren eta hilaren 7ra bitarte, lau saio izango dira.

Urte Berriko 43. Idi Probak - Gehiago irakurri

2019ko urte berriko ferian eguraldia hotz, baina giroa bero

2019/01/07
Urtarrilaren 5ean ospatu zen Deban Soro Feri Eguna. Eguraldia lagun, jende ugari hurbildu zen baserriko produktuen postuak eta ganadu erakusketa ikustera. Udalak 3.025€ banatu zituen fruta, barazki, ezti eta gazta lehiaketetan.

2019ko urte berriko ferian eguraldia hotz, baina giroa bero - Gehiago irakurri

Baratza proiektuarekin jarraitzeko asmoz, beste bost urtez alokatuko du Udalak erriberako lursaila

2019/01/08
Proiketu hau laneratzeko eta gizarteratzeko zailtasunak dituzten pertsonei zuzenduta dago, autonomia pertsonala garatu eta gizartean integratu daitezen.

Baratza proiektuarekin jarraitzeko asmoz, beste bost urtez alokatuko du Udalak erriberako lursaila - Gehiago irakurri

Badator II. Sorginetxe Big Wave Erronka!

2019/01/10
Euskal Herriko Surf Federazioak bigarrenez antolatu du Euskal Herriko olatu erraldoien txapelketa, eta aurten ere Deban egingo da. Egun bakarreko txapelketa, urtarrilaren 12tik martxoaren 31 bitartean izan daiteke; itsasaldien arabera.

Badator II. Sorginetxe Big Wave Erronka! - Gehiago irakurri

Debako hondartzan surf ikastaroak eskaini ahal izateko baimenak erdiesteko deialdi publikoa

2019/01/15
Udalak bi baimen onartuko ditu gehienez ere urte osorako; eta horiek bi urteko iraupena izango dute, luzatzeko inolako aukerarik gabe. Udako denboraldian Debako hondartzan beren zerbitzuak eskaini nahi dituzten surf eskolek, hortaz, eskabidea aurkeztu beharko dute udaletxean urtarrilaren 31 baino lehen.

Debako hondartzan surf ikastaroak eskaini ahal izateko baimenak erdiesteko deialdi publikoa - Gehiago irakurri

Euskal Kostaldeko Geoparkeak UNESCOren Munduko Geoparkeen aldizkari berria aurkeztuko du Fiturren

2019/01/16
Datorren asteazkenean, urtarrilaren 23an, aurkeztuko du Geoparkeak UNESCOren Munduko Geoparkeen aldizkari berria. Bertan izango da UNESCO Geoparkeen Sare Globaleko koordinatzailea, Nickolas Zouros.

Euskal Kostaldeko Geoparkeak UNESCOren Munduko Geoparkeen aldizkari berria aurkeztuko du Fiturren - Gehiago irakurri

Animadeba Nazioarteko Animazio Zinemaldiaren lehen edizioa ospatuko da Deban ekainaren 19tik 23ra

2019/02/05
Ekitaldiak nazioarteko film laburrak sarituko ditu oraingoan; eta lanak aurkezteko epea zabalik egongo da 2019ko martxoaren 22ra arte.

Animadeba Nazioarteko Animazio Zinemaldiaren lehen edizioa ospatuko da Deban ekainaren 19tik 23ra - Gehiago irakurri

Eneko Aizpurua, XIII. Tene Mujika Sariaren irabazlea

2019/01/29
Bidasoan gora egindako bidaia baten kontakizunari esker irabazi du Eneko Aizpurua lazkaotarrak aurtengo Tene Mujika Beka. Debako Udalak eta Elkar argitaletxeak hamahirugarrenez antolatu dute Euskal Herriko historia hurbilaz idazteko ez fikziozko proiektuak saritzen dituen beka.

Eneko Aizpurua, XIII. Tene Mujika Sariaren irabazlea - Gehiago irakurri

Debako Udalak ke detektagailuak instalatu ditu 75 urtetik gorako adinekoen 204 etxebizitzetan

2019/01/30
Pasa den irailean abiatu zuen Udalak adinekoen etxebizitzetarako suteen prebentzio kanpaina. Bakarrik bizi diren 75 urtetik gorako adinekoen etxebizitzetan segurtasun baldintzak aztertu dituzte, hauen zein gertuko bizilagunen babesa bermatu asmoz.

Debako Udalak ke detektagailuak instalatu ditu 75 urtetik gorako adinekoen 204 etxebizitzetan - Gehiago irakurri

Mendiko hezeguneak ezagutarazteko irteera gidatua egingo du Geoparkeak otsailaren 9an

2019/02/04
Euskal Kostaldeko Geoparkeak antolatuta, eta Aranzadi Zientzia Elkarteko bi adituren eskutik, balio natural handiko bi hezegune ezagutzeko aukera izango da: Artutzan eta Urritzuko putzuak.

Mendiko hezeguneak ezagutarazteko irteera gidatua egingo du Geoparkeak otsailaren 9an - Gehiago irakurri

2018-2022 Euskararen Erabilera Plana ahobatez onartu du Udalak

2019/02/12
Euskara Planaren helburu nagusia da Udalean euskararen erabilera indartzea eta areagotzea, bai zerbitzu hizkuntza bai lan hizkuntza modura, euskararen erabilera bermatu eta herritarren hizkuntza eskubideei erantzun ahal izateko.

2018-2022 Euskararen Erabilera Plana ahobatez onartu du Udalak - Gehiago irakurri

Euskal Kostaldeko Geoparkeak UNESCOren azterketa arrakastaz gainditzea lortu du

2019/02/26
Bigarren “Txartel Berdea” eskuratu du eta beste lau urtez eutsiko dio, 2022ra arte, UNESCOren Munduko Geoparke izendapenari.

Euskal Kostaldeko Geoparkeak UNESCOren azterketa arrakastaz gainditzea lortu du - Gehiago irakurri

Emakumeen Nazioarteko Egunaren baitan hainbat ekintza antolatu ditu Udalak

2019/03/01
Berdintasun Sailak egitarau zabala antolatu du martxoaren 8ko Emakumeen Nazioarteko Egunaren baitan. Emakumeon eskubideak aldarrikatu eta berdintasunaren alde borrokatzeko helburuarekin, herritarrak ekimen horietan parte hartzera gonbidatu nahi ditu Udalak.

Emakumeen Nazioarteko Egunaren baitan hainbat ekintza antolatu ditu Udalak - Gehiago irakurri

Martxoaren 27tik 29ra egingo da ABIAN Debabarreneko Lanbide Heziketa Azokaren IV. edizioa

2019/03/18
Eibarko Armeria Eskolako patioan egingo da, Debabarreneko udalek, Debegesa Garapen Agentziaren bitartez, eta eskualdeko Lanbide Heziketako ikastetxe guztiek antolatuta.

Martxoaren 27tik 29ra egingo da ABIAN Debabarreneko Lanbide Heziketa Azokaren IV. edizioa - Gehiago irakurri

Zinegoak 2019 hedapena, Deban

2019/03/29
Datorren martxoaren 31n Zinegoak jaialdiak Debako Kultur Elkartean du hitzordua. Zinemaldi honen baitan, hainbat laburmetraia proiektatuko dira.

Zinegoak 2019 hedapena, Deban - Gehiago irakurri

Deba eta Zumaia arteko ibilaldia eta itsas irteera martxoaren 31n

2019/03/27
Bisita gidatuen denboraldiari hasiera emateko, doako ibilaldia eta itsas irteera egingo dira Euskal Kostaldeko Geoparkean.

Deba eta Zumaia arteko ibilaldia eta itsas irteera martxoaren 31n - Gehiago irakurri

Gaur zabaldu da Kolorez Blai udalekuetan izena emateko epea

2019/04/05
Debako Kolorez Blai udaleku irekietarako izen-ematea gaurtik apirilaren 12ra bitarte egongo da zabalik. Informazio gehiagorako, deitu 943 191 383 / 688 623 996 telefonoetara edo idatzi koloreanitz@gmail.com helbidera.

Gaur zabaldu da Kolorez Blai udalekuetan izena emateko epea - Gehiago irakurri

Geoparkeak 2019ko bisita gidatuen denboraldi berriari ekin dio

2019/04/01
Geoparkea ezagutzeko 17 bisita gidatu desberdin daude aukeran, oinez edota itsasontziz. Nabarmentzekoa da Deba eta Zumaia arteko itsas irteeren maiztasuna handitu egin dela, GR-121 ibilbidea oinez egin nahi dutenentzat abiapuntura itzultzeko aukera bikaina.

Geoparkeak 2019ko bisita gidatuen denboraldi berriari ekin dio - Gehiago irakurri

"Organoak plazara" zikloa, Deban

2019/04/02
Cristina García Banegas organista uruguaiarra izango da protagonista gurean. Bihar, apirilak 3, "En la Zyudad de los Reyes" hitzaldiaren ondoren, organo kontzertua eskainiko digu, Santa Maria elizan.

"Organoak plazara" zikloa, Deban - Gehiago irakurri

Debako zuhaitz eguna 2019

2019/04/03
Luzaro ikastetxeko 4.mailako ikasleek zuhaitz eguna ospatu zuten pasa den astean. Udal brigadako langileekin eta Debanaturako kideekin batera, Gipuzkoako Foru Aldundiak emandako 150 zuhaitz landatu zituzten Casacampo inguruan.

Debako zuhaitz eguna 2019 - Gehiago irakurri

Euskal Kostaldeko Geoparkea Bilboko Basque Fest jaialdian

2019/04/15
Aurten ere, Euskal Kostaldeko Geoparkeak Bilboko Basque Fest jaialdian parte hartuko du, apirilaren 18tik 20ra.

Euskal Kostaldeko Geoparkea Bilboko Basque Fest jaialdian - Gehiago irakurri

Bukatu dituzte Eguneko Zentroko lehen solairuko birgaikuntza lanak

2019/04/12
Gizarte Zerbitzuetako lan-esparrua optimizatu eta erabiltzaileen arreta hobetzeko asmoz, lehen solairuan birgaikuntza lanak egin dituzte. Proiektuaren kostua 35.956€-koa izan da, eta Promociones Gaintzipitza S.L. eta Miabsa enpresak izan dira obraren arduradunak.

Bukatu dituzte Eguneko Zentroko lehen solairuko birgaikuntza lanak - Gehiago irakurri

Deba eta Mutriku arteko GI-638 errepidearen erabateko bide mozketa dela-eta aldaketak garraio publikoan

2019/04/26
Gipuzkoako Foru Aldundiak anezka zerbitzua jarriko du DB03, DB04, DB05, DB06, DB44G autobus lineetan. GI-638 errepidea maiatzaren 2an itxiko dute, lau bat hilabetez. Aldi horretan, GI-3230 errepidea erabili beharko da ordezko ibilbide gisa (Kalbario gainetik).

Deba eta Mutriku arteko GI-638 errepidearen erabateko bide mozketa dela-eta aldaketak garraio publikoan - Gehiago irakurri

Hondartza inguruko TAO zerbitzua asteazkenean jarriko da martxan

2019/04/25
Datorren asteazkenean, maiatzak 1, jarriko dira martxan uda denboraldiko TAO makinak hondartza inguruko aparkalekuetan.

Hondartza inguruko TAO zerbitzua asteazkenean jarriko da martxan - Gehiago irakurri

A28 Espainiako Gorteetarako hauteskundeen emaitzak Deban

2019/04/29
Atzo, apirilak 28, Espainiako Gorte Nagusietarako hauteskundeak ospatu ziren. Deban erroldatutako 4272 hautesleetatik 3257k eman zuten euren botua, %76,24ak alegia. 2016ko hauteskundeekin alderatuta partaidetza 10,53 puntu igo da.

A28 Espainiako Gorteetarako hauteskundeen emaitzak Deban - Gehiago irakurri

Espeleologia irteera batek emango dio hasiera Europako Geoparkeen IX. asteari

2019/05/10
Maiatzaren 17tik 25era, Geoparkeak ekimen ugari antolatuko ditu Deban, Mutrikun eta Zumaian: espeleologia irteera, hitzaldiak eta tailerrak, dokumental emanaldia eta zientzialarien arteko solasaldia, mendi ibilaldiak…

Espeleologia irteera batek emango dio hasiera Europako Geoparkeen IX. asteari - Gehiago irakurri

Ekaingo aurkikuntzaren 50. urteurrena

2019/05/10
1969ko ekainaren 8an bi gaztek aurkitu zuten Ekain haitzuloa, labar-margo ikusgarriz beteta. Maiatza eta ekaina bitartean askotariko ekitaldiak egingo dira haitzuloaren aurkikuntzaren 50.urteurrena ospatzeko.

Ekaingo aurkikuntzaren 50. urteurrena - Gehiago irakurri

Debako V. literatur lehiaketako sari banaketa ostegunean egingo da ispiluen gelan

2019/05/14
Datorren ostegunean, hilak 16, Debako literatur lehiaketaren sari banaketa egingo da Agirre jauregiko ispiluen gelan.

Debako V. literatur lehiaketako sari banaketa ostegunean egingo da ispiluen gelan - Gehiago irakurri

Asteburu honetan ospatuko dugu Debarren Eguna

2019/05/15
Kalean da Debarren Eguneko egitaraua. Maiatzeko hirugarren igandean ospatu ohi dugu debarrok geure eguna, eta oraingoan ere, hiru eguneko egitarau zabala prestatu du Udalak egun horren baitan.

Asteburu honetan ospatuko dugu Debarren Eguna - Gehiago irakurri

Koro Coca eta Jorge Sainz, Debako V. literatur lehiaketako irabazleak

2019/05/21
Pasa den ostegunean egin zen "Deba 100 hitzetan" V. literatur lehiaketako sari banaketa Agirre jauregiko ispiluen gelan. Koro Coca eta Jorge Sainz izan dira aurtengo sariketako irabazleak.

Koro Coca eta Jorge Sainz, Debako V. literatur lehiaketako irabazleak - Gehiago irakurri

Bihar abiatuko da Europako Geoparkeen 9.astea

2019/05/17
Maiatzaren 25era bitartean, Geoparkeak ekimen ugari antolatu ditu Deban, Mutrikun eta Zumaian, zientzia, kultura eta natura ondarea ardatz hartuta.

Bihar abiatuko da Europako Geoparkeen 9.astea - Gehiago irakurri

Balkoiak eta leihoak apaintzeko lehiaketa antolatu du Udalak bigarren urtez

2019/05/21
Debako hiri-lurzoruan dauden etxebizitza guztiek parte hartu ahal izango dute lehiaketan. Horretarako, aurrez izena eman beharko da, maiatzaren 20tik ekainaren 14ra bitarte, Turismo Bulegoan. Ekimenean parte hartzeko nahitaezkoa izango da izen ematea eta turismo bulegoan jaso behar den bereizgarria balkoi edo leihoan leku ikusgarrian eskegitzea.

Balkoiak eta leihoak apaintzeko lehiaketa antolatu du Udalak bigarren urtez - Gehiago irakurri

Zazpi herrialdetako 10 film labur lehiatuko dira Animadeba Nazioarteko Animazio Zinemaldiko Sail Ofizialean

2019/05/22
Badator Animadeba jaialdiaren 11. edizioa. Izaera berritua eta inoizko proiekzio handienarekin, uda garaian ospatuko da aurten estreinakoz, ekainaren 19tik 23ra.

Zazpi herrialdetako 10 film labur lehiatuko dira Animadeba Nazioarteko Animazio Zinemaldiko Sail Ofizialean - Gehiago irakurri

Debako XXXIII. Antzerki Astea, maiatzaren 24tik ekainaren 2ra

2019/05/23
Antzerki Astearen XXXIII. edizioa Debara iritsiko da, maiatzaren 24tik ekainaren 2ra. Mota eta adin guztietarako antzezlanak izango ditugu herrian, euskaraz eta talde profesional zein amateurren eskutik.

Debako XXXIII. Antzerki Astea, maiatzaren 24tik ekainaren 2ra - Gehiago irakurri

Debako udal musika eta dantza eskolak zabaldu du 2019-2020 ikasturterako matrikulazio epea

2019/05/27
Zabalik da 2019-2020 ikasturterako udal musika eta dantza eskolan matrikulak egiteko epea. Interesatuek ekainaren 14a baino lehen aurkeztu beharko dute matrikula orria Deba Musikaleko idazkaritzan.

Debako udal musika eta dantza eskolak zabaldu du 2019-2020 ikasturterako matrikulazio epea - Gehiago irakurri

Maiatzak 26ko hauteskundeetako emaitzak, Deban

2019/05/27
Atzo, maiatzak 26, Europako Parlamenturako hauteskundeak, Gipuzkoako Batzar Nagusietarako hauteskundeak eta toki-hauteskundeak ospatu ziren.

Maiatzak 26ko hauteskundeetako emaitzak, Deban - Gehiago irakurri

Datorren asteartean zabalduko da Uda Kirola 2019 programarako izen-ematea Deban erroldatutako haur eta gazteentzat

2019/06/04
Surf, body board, arraun surf, skate, piraguismoa eta xake ikastaroen eskaintza zabala prestatu du udal kirol zerbitzuak aurtengo udarako. Horietaz gain, kiroldegiko eskaintza, Nordic Walking ikastaroak, Amaikak Baten futbol udalekuak eta Debasketek antolatutako saskibaloi kanpusa ere izango ditugu aukeran.

Datorren asteartean zabalduko da Uda Kirola 2019 programarako izen-ematea Deban erroldatutako haur eta gazteentzat - Gehiago irakurri

Udalak Enplegu plana jarri berri du martxan

2019/06/13
Debako Udalak Lanbide-Euskal Enplegu Zerbitzuaren laguntzarekin itsasadarrean eta hondartzaren inguruetako aisialdirako guneetan birsorkuntza lanak egiteko enplegu plana martxan jarri berri du. Bi peoi kontratatuko dira datozen lau hilabetetarako. Lan eskaintza hau gizarteratzeko edota lan munduan sartzeko zailtasunak dituzten pertsonak babestera zuzenduta dago.

Udalak Enplegu plana jarri berri du martxan - Gehiago irakurri

Asentsio Artetxe Barrenetxea ganaduzalea zendu da

2019/06/15
Debako zezen suharren ganaduzaleen artean ezagunena izan da Artetxe familia.

Asentsio Artetxe Barrenetxea ganaduzalea zendu da - Gehiago irakurri

Gilen Garciak eskuratu du alkatetza

2019/06/15
Gaur osatu dira udal gobernuak eta Deban EH Bilduko Gilen Garciak eskuratu du alkatetza.

Gilen Garciak eskuratu du alkatetza - Gehiago irakurri

Nazioarteko IV. Flysch Organo Zikloa martxan

2019/06/30
Pasa den ostiralean aurkeztu zuten, Donostian, uztailean kostako zenbait herritan ospatuko den Nazioarteko IV. Flysch Organo Zikloa. Gipuzkoako Foru Aldundiak sustatuta, Deba, Mutriku, Getaria eta Zumaiako udalek laugarrenez parte hartuko dute.

Nazioarteko IV. Flysch Organo Zikloa martxan - Gehiago irakurri

Gure Balioak Sariaren hamargarren ediziorako hautagaiak aurkezteko epea zabalik da

2019/07/02
Debabarreneko eskualdean pertsona edo entitate batek bere ibilbidean zehar sustatu dituen giza balioei aitortza egitea du xede. Hautagaiak aurkezteko epea uztailaren 14an amaituko da.

Gure Balioak Sariaren hamargarren ediziorako hautagaiak aurkezteko epea zabalik da - Gehiago irakurri

2019ko San Roke jaietarako kartel lehiaketa abian da

2019/07/03
Partehartzaileek uztailaren 16tik 21era bitartean aurkeztu beharko dituzte euren lanak udaletxeko kultura sailean edo turismo bulegoan. Kartel irabazlea aurtengo jaiak iragartzeko erabiliko da, eta 500 euroko saria lortuko du.

2019ko San Roke jaietarako kartel lehiaketa abian da - Gehiago irakurri

Udako erakusketa artistikoaren XV. edizioa larunbatean estreinatuko da

2019/07/04
"Magalean" izenburupean, Iratxe Hdez. Simalen lanak izango ditugu ikusgai uztailean eta abuztuan zehar. Debako erakusketa artistikoaren XV. edizioaren inaugurazio ekitaldia larunbatean izango da, 12:30ean, Santa Maria elizako klaustroan.

Udako erakusketa artistikoaren XV. edizioa larunbatean estreinatuko da - Gehiago irakurri

Duo Sarasateren emanaldiarekin hasiko dugu Debako 36. udako musikaldia

2019/07/30
Debako Udalak, Gipuzkoako Foru Aldundiaren babesarekin, hogeita hamaseigarrenez antolatu du Udako Musikaldia. Abuztuaren 1ean emango diogu hasiera zikloari Duo Sarasateren emanaldiarekin. Kontzertuak ostegunetan izango dira, arratsaldeko 8etan, Santa Maria elizan.

Duo Sarasateren emanaldiarekin hasiko dugu Debako 36. udako musikaldia - Gehiago irakurri

« » 1 2 3 4 [5] 6 7 8 ... 10