‘Treba gurasoak’ ekimenaren hurrengo hitzaldia apirilaren 10ean, lagunarteko harremanen inguruan

2024ko apirilaren 4a

● Nerea Mendizabalek haur eta nerabeen gurasoei zuzendutako doako hitzaldia gidatuko du Kultur Elkartean arratsaldeko 18:15etan.

Debako Udalak, Gipuzkoako Foru Aldundiko Gazteria Zuzendaritzarekin eta Gaztematikarekin elkarlanean sustatutako ‘Treba Gurasoak’ prestakuntza-ekimeneko hurrengo hitzaldia iragarri du, apirilaren 10ean. Hitzaldi horien helburua da familiei funtsezko tresnak eta ezagutzak eskaintzea, gurasoen eta seme-alaben arteko hazkuntzarekin eta komunikazio eraginkorrarekin lotutako gai garrantzitsuei heltzeko.

Nerea Mendizabalek haur eta nerabeen gurasoei zuzendutako doako hitzaldia gidatuko du, euskaraz. “Harreman osasuntsuak lagun artean” mintzaldiaren helburua da, gurasoek beren seme-alaben lagunartean duten zereginari buruz hausnartzea, gatazketan noiz eta nola esku hartu argitzea eta seme-alabekiko gatazketan laguntzeko baliabideak eskuratzea.

Ekitaldia Kultur Elkartean egingo da 18:15etan, eta sarrera doakoa eta irekia izango da guraso-trebetasunak aberastu eta gazteen ongizatean laguntzeko interesa duen ororentzat.

Debako Udalak ekimen honetan parte hartzera gonbidatu ditu herritarrak, ikasteko eta hausnartzeko gunea izango dela ziurtatuz.