2013. URTEA AUZOKONPOSTAJEA EGITEN DUTEN 67 FAMILIEKIN ITXIKO DUGU

2013ko abenduaren 27a2013. URTEA AUZOKONPOSTAJEA EGITEN DUTEN 67 FAMILIEKIN ITXIKO DUGU

2013ko maiatzean Debako eta Itziarreko herritarrei konpostajea modu kolektiboan egiteko aukera eman zitzaienetik, 120 familiak eman dute izena proiektuan parte hartzeko eta 2013. urtea horietatik 67 familien parte hartzearekin itxiko dugu.

 

Urte honetan zehar bi konpost-gune ezarri dira Deban; bata Itur kalean, non erdiguneko 41 familik parte hartzen duten, eta ondorioz dagoeneko, konspot-gune honetan parte hartu dezaketen familia kopurua beterik dagoen, eta bestea Mogel kalean, non Agirretxeko 26 familik parte hartzen diharduten. Bi gune hauetako familiek, formakuntza saioetan ikasitakoaren arabera burutzen dute konpostajea eta horri esker prozesua martxa onean doa, tenperatura egokiak lortzen ari dira bertan eta konpostaje prozesua gertatzeko beharrezko baldintza guztiak betetzen dira. Gainera, udal langileek astero jarraipena egiten diote bi guneei hauen funtzionamendua egokia izan dadin eta edozein eragozpenen aurrean neurri zuzentzaileak jarriz. 

Datorren urtera begira, udalak orain arte izena eman dutenentzako eta hemendik aurrera izena emango duten familientzako, konpost-gune gehiago eraikitzeko asmoa du, baita hauentzako formakuntza saioak antolatzeko ere.

Auzokonspostajea egin nahi duten familiek oraindik ere izena eman dezake udalera deituz, 943 19 28 40 edo helbide honetara idatziz: konposta@deba.net

Informazio gehiagorako: auzo konposta