Albisteak
2020ko Begiradak ekitaldian parte hartzeko aukera zabalik dago
BEGIRADAKen zazpigarren edizioa egingo da aurten. Diziplina desberdinetako herriko hainbat sortzaile (irudigile, testugile, dantzari, antzezle, musikari...) bildu, lanean jarri eta emaitza plazan erakutsiko da, ohikoa denez.
Debako hondartzan surf ikastaroak eskaini ahal izateko baimena erdiesteko deialdi publikoa zabaldu da
Debako hondartzan udako denboraldian beren zerbitzuak eskaini nahi dituzten surf eskolek urtarrilaren 31 bitarteko epea dute eskabidea aurkezteko.
Udalak egindako gestioak ontzat emanda Uraren Euskal Agentziak hilerri berriko obrari lotutako espedientea artxibatu egin du
Artzabaleko hilerri berriaren obrari lotutako bi auzi zabalik egon dira orain arte: Uraren Euskal Agentziari lotutakoa bat eta bestea, Eibarko epaitegian Ingurumen Fiskaltzak zabaldutakoa.
Larrialdiko egoerak artatzeko harrera etxebizitzaren kontratua onartu du osoko bilkurak
Abenduko ohiko osoko bilkuran gehiengo osoz onartu da gizarte larrialdiko egoerak artatzeko Elgoibarren dagoen harrera Etxebizitzaren kontratua sinatzea. Aipatu etxebizitzaren erabilera Deba Kostako gizarte zerbitzuen eremua osatzen duten udalerri guztien (Elgoibar, Mutriku, Mendaro eta Deba) artean kudeatu eta koordinatuko da. Ondorioz, debarrek aukera izango dute berau erabiltzeko hala behar izatekotan.
Udalbatzaren abenduko ohiko bilkura
Abenduko, eta hortaz, urteko azken udalbatzaren ohiko bilkura hilaren 19 egingo da, ostegunez, 19:00etan, Udaletxeko batzar aretoan.
“Gardentasuna eta parte hartzea dira lehen sei hileko honetan gobernuaren jardunaren ezaugarri nagusiak”
Gobernuan sei hilabete beteko ditu aurki Debako gobernu taldeak. Hori aintzat hartuta eta urtea amaitzear dela, herritarrekiko informaziorako duen konpromisoari eutsiz, balorazioa egin eta aurkeztu du gaur. Gilen Garcia alkatearekin batera, Itziar Irizar eta Aritz Larrañaga alkate ordeek parte hartu dute udaletxean egindako prentsaurrekoan.
Aktibazio saioak egingo dira Euskaraldia prestatzeko
Euskaraldiaren edizio berrirako lanean hasteko ordua heldu dela jakinarazi du Debako Euskaraldiko talde motorrak eta horretarako herri batzordea aktibatzea ezinbestekoa dela gaineratu du. Kike Amonarrizek joan den ostiralean emandako hitzaldian esan bezala, “herritarrok egingo dugu (erakundeen laguntzarekin, hori bai) edo ez dugu egingo”.
Sorospen zerbitzu eraginkorra bermatzeko eskaerari ezezkoa eman diote Gipuzkoako Batzar Nagusiek
Debako udaleko osoko bilkurak onartu bezala, eskaera egin da Gipuzkoako Foru Aldundiak bere gain har dezan Gipuzkoako hondartzetako sorospen zerbitzua, tartean Debakoa. Joan den astean egindako bilkuran, baina, eskaerak ez du aurrera egin.
Edukiontzi marroiaren erabilera desegokia
Azken hilabeteotan organikoa ez den hondakin kopuru handia (ezegokiak deiturikoak) agertzen ari da edukiontzi marroietan. Honek, gainontzeko bizilagunek egindako ahalegina zapuztu egiten du, izan ere, herriko edukiontzi marroietan dauden hondakin guztiak kamioi berean husten dira.
Lan ona egin dute bi talde debarrek Debabarreneko Euskararen Ginkanan
Atzo jokatu zen, Eibarko Coliseoan, Debabarreneko Euskararen Ginkanaren finala. Euskararekin eta euskaraz dibertitzeko lehiaketa honetan, Debabarreneko 21 ikastetxe edo taldek hartu dute parte. Internet bidez burutu dituzte probak lehenengo fasean eta fase horretan puntu gehien lortu duten 4 taldeak pasa dira finalera. Debari dagokionez, Martintxo Arrantzale taldea zuzenean sailkatu zen. Sonakay taldea, berriz, Eibarko Urkirekin iritsi zen berdinduta, 4. postura.
Debako talde batek gutxienez jokatuko du Debabarreneko Euskararen Ginkanaren finala
21 talde izan dira guztira, eta horietako lauren artean jokatuko dute finala: Debako Martintxo Arrantzale, Eibarko Ginkanklinak eta Soraluzeko Soragarriak zuzenean sailkatu dira finalera. Laugarren taldea finalean bertan erabakiko da, Debako Sonakai eta Eibarko CD Urki taldeak berdinduta geratu baitira lehen fasean.
Euskararen Nazioarteko Egunari begira adierazpen instituzionala onartu du Debako udaleko osoko bilkurak
Aho batez onartu du udalbatzak Euskararen Eguneko adierazpena, hilaren 28an egin den osoko bilkuran. Abuztuaren 17a tokian tokiko jai eguna izatea ere adostu dute, San Roke eguna igandea izango baita 2020an. Emakumeekiko indarkeriaren aurkako adierazpena eta Bolivian ematen ari den estatu kolpea salatzeko adierazpena ere onartu dira.
2019-2023 Gobernu plana
Joan den ostegunean aurkeztu zuen Debako gobernu taldeak datozen lau urteotan bere jarduna ardaztuko duen gobernu plana.
Energia eta dirua aurrezteko saio praktikoak egingo dira Deban
Gipuzkoako Foru Aldundiko Ingurumeneko eta Obra Hidraulikoetarako Departamentuak, Debako Udalarekin elkarlanean, Gipuzkoa Argitu programaren baitan, etxeetan, enpresetan eta elkarteetan energia modu eraginkorrean erabiliz eta erosotasunik galdu gabe energia eta dirua aurrezteko gomendio ezagutzera emateko doako tailerra antolatu du.
Berdintasun plana herritarren ekarpenekin osatzeko deia egin du Debako Udalak
Debako Udala, Emakunderen babesarekin, emakume eta gizonen arteko I. berdintasun plana ebaluatzen eta II. berdintasun plana egiten ari da. Une honetan, herritarrei ekarpenak egin ditzaten proposamena luzatu nahi die.
Herritarren bizi-kalitatea hobetuko duen Gobernu plana aurkeztu du Debako udalak
Udaletxeko pleno aretoan aurkeztu du Debako gobernu taldeak legegintzaldirako gobernu plana. Bertan bildutako herritarren eta eragileen ordezkarien aurrean egin dute 100 neurri zehatzez osatutako planaren aurkezpena. Izan ere, “herritarrak erdigunean jarri nahi ditu gobernu talde honek eta prozesu osoan zehar izan dira presente. Bai neurriak pentsatzerako orduan, bai proposamenak jasotzerakoan eta noski egindako lana aurkezteko orduan ere”, Gilen Garcia alkatearen esanetan.
Sentsibilizazio eta aldarrikapen ekimenak azaroaren 25aren testuinguruan
Emakumeenganako Indarkeriaren Aurkako Eguna ospatuko da azaroaren 25ean. Deban, herritarren sentsibilizazioa lantzeko hainbat ekimen antolatu dira. Izan ere, “pertsonen arteko berdintasuna gauza dadin, beharrezkoa da edukizko lanketa egitea, emakumeenganako jarrera desegokiak gainditze aldera”, Itziar Irizar alkate orde eta politika feministetako zinegotziaren arabera.
Hilerriko obrekin jarraitzea erabaki du Debako osoko bilkurak
Hilerriko lanak behin behinean gelditzea eta kontratuaren etetea onartzea, hala badagokio. Hori zen eztabaidatzeko puntu bakarra azaroaren 18ko ez-ohiko osoko bilkuran. Debarren Ahotsaren eta EAJ-PNVren botoekin obrekin jarraitzea erabaki zuen plenoak, EH Bildu, aitzitik, obrak behin behinean etetea mantentzearen alde agertu zen.
Hainbat ekimen egin dira Jose Mari Irusta gogoratuz
Jose Mari Irusta debarra naziek erail zuten orain dela 75 urte. Hori aintzat hartuta, Debako Udalak, Itziarko Auzo Udalarekin eta Amycal Matahusen eta La Ilusion elkarteekin elkarlanean, hainbat ekimen egin ditu egun hauetan.
Hilerri berriaren lanen gelditzearen inguruko urgentziazko plenoa deitu du udalak astelehenerako
Ingurumen Fiskaltzak Debako udaleko zortzi langileren kontra jarritako salaketak hilerri berriaren lanen inguruan eragindako egoera aztertzeko urgentziazko plenoa deitu du udal gobernuak.
Hilerri berriko obrak behin behinean gelditzeko agindua eman du Debako udalak
“Zuhurtziaz jokatu nahi dugulako Artzabaleko hilerri berriko obrak behin behinean gelditzeko agindua eman nuen atzo”, esan du Gilen Garcia Debako alkateak gaur egin duen agerraldian. Itziar Irizar alkateordearekin egin du agerraldia, Ingurumen Fiskaltzak hilerri berriaren obren inguruan egindako salaketaren berri emateko.
A10 Espainiako Gorteetarako hauteskundeen emaitzak Deban
Gaur egin diren Espainiako Gorteetarako hauteskundeetan botoa emateko eskubidea duten debarren %73k bozkatu du. Apirilaren 28an egindako hauteskundeetan baino 3 puntu inguru egin du behera parte hartzeak.
Munduko Ondarearen Nazioarteko Eguna dela eta, Debatik Sasiolako komentura txango gidatua azaroaren 17an
Eusko Jaurlaritzako Kultura eta Hizkuntza Politika Sailak Donejakue Bidea ezagutzeko bisitak antolatu ditu, azaroaren 17an, 23an eta 30ean. Munduko Ondarearen Nazioarteko Eguna dela-eta antolatuak, Debatik, Markina-Xemeinetik eta Gatzaga Buradonetik abiatuko dira.
Bere horretan mantenduko dira 2020an zerga gehienak
2020rako ordenantza fiskalak izan dituzte aztergai urriaren 30ean egindako osoko bilkuran, besteak beste. Aho batez onartu da apenas aldaketarik egitea datorren urteko zergei dagokionean. Gobernuko kide baten liberazioa onartu da eta Kataluniako egoera salatzeko adierazpen instituzionala ere egin du udalbatzak.
Herritarrak zuzenean informatzeko erronkari eutsiz Debaberri berritu du Udalak
Berrituta datorren Debaberri udal aldizkaria jasotzen ari dira herritarrak egunotan. Debako udalak, gardentasunaren alde egin duen apustuari erantzunez eta herritarrekin zuzeneko komunikazioa sustatu asmoz, jada sortuak zeuden tresna komunikatiboak indartu eta berriak sortzeko determinazioa du.
Udalbatzaren urriko ohiko bilkura
Urriko udalbatzaren ohiko bilkura hilaren 30ean egingo da, asteazkenez, 19:00etan, Udaletxeko batzar aretoan.
Azaroan ere eskaintza zabala Debako KZgunean
Herrian bertan hainbat ikastaro jasotzeko aukera izango da azaroaren ere, ohi denez, KZgunean. Arratsaldez izango dira azaroko ikastaro hauek. Lekuan bertan zein urrutiko formazioa jasotzeko aukeraz gain, gainontzeko orduetan nabigatzeko eta tutoretzak egiteko zabalik dago gela.
Tene Mujika Bekaren edizio berrian parte hartzeko epea zabaldu da
Debako Udalak eta Elkar argitaletxeak, Euskal Herriko historia hurbilaren ezagutza zabaltzeko eta gure literatura aberasteko asmoz, XIV. Tene Mujika beka sortu dute, 6.000 euroko diru-laguntza emango duena, ondorengo oinarrien arabera:
Ez-ohiko plenoa
Azaroaren 10eko hauteskundeetarako hauteskunde-mahaien zozketa egiteko ez-ohiko plenoa egingo da, urriaren 23an, 12:30ean Udaletxeko bilera-gelan.
Debak eta Itziarrek borondate irmoa erakutsi dute Itziarko auzia elkarlanaren bitartez gainditzeko
Prentsaurrekoa egin dute Debako udaletxean Debako alkate Gilen Garciak eta Itziarko Auzo Udaleko alkate Arantza Egañak. Itziarko herritarren urteotako ibilbidea ez dela erraza izan aitortu dute biek eta hemendik aurrera elkarlanerako prestutasuna agertu dute. Harremanak normalizatzeko, batzordeari jite berria emango diote.