2014ko aurrekontuak onartuta

2014/01/27
Debako 2014erako aurrekontuak Otsailaren 6ko plenoan onartu ziren, bai udaletxekoak eta baita liburutegi eta arte eskola patronatukoak ere.

IKUSI HERRITARREI EGINDAKO AURKEZPENA

IKUSI AURREKONTUAK XEHATUTA

 Aldeko 10 bozkarekin onartu ziren, Alternatiba, EA, Aralar, Herria Sortzen eta Ezker Anitzaren bozkekin hain zuzen ere.

 Udal gobernuak Urtarrilaren 8an egin zuen hasierako proposamena ogasun batzordean, eta ondoren udaleko beste  batzordeetako ekarpenak eta alderdiekin izandako bileretan jasotako ekarpenekin, urtarrilaren 27ko ogasun batzordean aurkeztu ziren definitiboak atzo plenora eramateko.

 Aurten ere 2012an bezalaxe,  udalak herritarrak udal egoeraz informaturik egoteko 3 batzar egin ditu. Alde batetik  udalaren egoera ekonomikoaz jabetu eta 2014ko aurrekontuak aurkezteko.

 Esan behar dugu, azken bi urte eta erdiko balantzea positiboa dela, alde batetik 2009 2010 2011 eta 2012ko fondo foralaren itzulketa egin delako, 1.119.000 euro itzuli dira guztira, eta 2013ko fondo forala udalaren aldekoa izan delako, 83.747 euro hain zuzen ere.

 Guzti hau urte hauetako kudeaketaren ondorioz sortu den gerakinari esker egin da, mailegurik eskatu gabe, eta altxortegian, gerakinean, eraginik izan gabe.

 2014 urteko udal aurrekontuak  6.677.304 eurokoak izango dira, eta bi patronatuak kontutan hartuta, 6.972.913 eurokoa, hau da finkatutako aurrekontua.

 Aurrekontu hauek ere aurreikuspen errealean oinarritukoak  dira, fondo foralaren sarrerarekin zorrotz jokatuz eta ehuneko handi bat gordeaz.

Bestalde gastuen etengabeko jarraipenak eta errebisioak,  hauek optimizatzea ekarri du, aurrekontuetan desfaserik eman gabe, eta aurrerapenak ere eginez.

 Bestalde, batzordeetako jardueretan eragina ez izatea izan da beste  irizpide nagusi bat.

 Kulturan gure ondarea balioan jartzeko apustuarekin jarraituz, euskaran herri euskaldun baten izaeran euskararen sustapena bultzatuz, ingurumenean gure baliabideen jokabide arduratsua bultzatzeko jarduerak sustatuz, turismoan Geoparkearen apustuarekin jarraitu eta indartuz, Kirolean herriko dinamikan lagundu eta kirol berriak sustatuz, Gizarte ekintzan, beste herriekiko elkartasunean eta gizarte eragileei laguntzak eman eta gizarteratzeko programa berriak eginez, eta azkenik Itziarko batzordea ere indartuz.

 

Inbertsioei erreparatuz, udal honen irizpide garrantzitsu bat da, inbertsioetarako kanpo finantziazioa lortzea. Esan dezakegu martxan dauden herrirako bi inbertsio garrantzitsu, Aterpetxea eta futbol zelaiko aldagelak hala izan direla, Gipuzkoako Aldundiaren, Eusko Jaurlaritzaren eta Futbol Federazioaren laguntzari esker.

Eta 2014 urtean martxan jarriko direnak era hala izango direla; Santa Katalina igoerako magala, Lasturko Argiteria eta Kiroldegiaren berritzea adibidez.