2025eko San Roke kartel lehiaketan parte hartzeko azken egunak

2025ko ekainaren 17a

Lehiaketa herritar guztientzat irekia da eta lanak ekainaren 26ra bitarte aurkeztu daitezke udaletxeko harreran. Kartel irabazlea herri-bozketa bidez aukeratuko da eta 500 euroko saria jasoko du.

San Roke 2025 jaietako kartel ofizialaren lehiaketan parte hartzeko epea ekainaren 26an, ostegunean, amaituko da, 14:00etan. Proposamenak Debako Udaleko herritarren arretarako bulegoan (Portu kalea 1) aurkeztu behar dira, astelehenetik ostiralera, 10:00etatik 14:00etara.

Herritar guztiei irekita dagoen lehiaketa honek formatu bertikaleko kartel bat bilatzen du (50x70 cm), “San Roke jaiak 2025 - DEBA, abuztuak 14-18” testua eta Debako Udalaren logotipo ofiziala barne hartzen dituena. Epaimahai batek aurreselekzio bat egingo du, eta hautatutako lanen artean irabazlea herri-bozketa bidez aukeratuko da. Irabazleak 500 euroko saria jasoko du.

Informazio gehiagorako, deitu 943 192 840 telefonora edo idatzi kultura@deba.eus helbidera.