Abian da V. Zubeltzu bertso paper sariketa

2014ko urtarrilaren 31aAbian da V. Zubeltzu bertso paper sariketa

Debako udalaren eta Zuhatza euskara elkartearen arteko ekimen honek, hiru maila bereizten ditu: LHko neska-mutilak, DBHkoak eta hortik gorakoak. Maila bakoitzari ariketa diferentea egitea eskatzen zaio; lehenengo bietan gaia jarrita eta helduenean, berriz, libre lagata. Lanak aurkezteko azken eguna martxoaren 31a izango da.

Lanak Debako Udaletxean edota Zuhatza euskara elkartean entregatu ahal izango dira, esan bezala, data hori baino lehen. Lanak euskarri telematikoan entregatzea eskertuko da (CD, pen drive edo mezu elektroniko bidez), oinarrietan agertzen diren helbideetakoren batean.

Sari banaketa apirilaren 11n egingo da Agirre jauregian, arratsaldeko 7etan. Ondoren, Itziarko bertso eskolakoen eskutik, triki-bertso poteoa egingo dugu herriko kaleetan, bertso afariarekin amaitzeko. Afarian Agin Laburu eta Unai Agirre bertsolariak izango ditugu, azkeneko bertsolari txapelketa nagusian finalerdietara iritsi zirenak, biak ere. Afariari buruzko xehetasunak aurrerago emango ditugu.

Oinarriak ikusteko egin klik hemen.