Amaitu dira Gaztelekuko udako ekintzak

Pozik eta gustura amaitu dituzte udako ekintzak Gaztelekuaren bueltan batu diren gaztetxo eta nerabeak. Guztira 412 nerabek eman dute izena Gaztelekuko udako programan, horregatik pozik dira arduradunak, aurten ere arrakastatsuak izan baitira.

Adinkako jarduerez gain, 12-17 urteko gazte guztiek parte har zezaketen ekintza jendetsuak ere egiteko aukera izan dute.

Ekainean Debatik atera gabe kayak eta paddle Supean ibili izan dira gazteak ibaian, baita boleibol eta futbol txapelketetan jolasten ere hondartzan.

Uztailean, egun pasetan, Donostiako Santa Klara uhartean, Gasteizko Gamarrako igerilekuetan zein Arcachoneko ur parkean egon dira eta urte osoan zehar prozesu sozio-hezitzaileetan buru-belarri ardurak hartzen ibili diren taldeekin, berriz, bi, hiru eta bost eguneko irteerak egin dituzte. 15 urtekoekin, berriz,  Zuhatzako irlara, 16 urtekoekin Jaka-Bartzelona-Port Aventurara eta 17 urtekoekin Madrileko Warner parkera.

Gaztelekuko arduradunek eskerrak eman nahi dizkiete aurtengo udako ekintzetan parte hartu duten gaztetxo eta nerabe guztiei.