Apirilaren 17tik ekainaren 8ra arte N-634 errepideko erreietako bat itxita egongo da

2023ko apirilaren 13a

Martxoan Gipuzkoako Foru Aldundiak jakinarazi bezala, N-634 errepideko lanek apirilaren 17tik ekainaren 8ra arte iraungo dute. Ondorioz, epe horretan, Debatik Itziarra doan errepideko erreietako bat itxita egongo da zoruaren egitura birgaitzeko lanak egiteko. Mozketa zatika egingo dute, 07:00etatik 22:00etarako ordutegian. Noranzko bakarreko zirkulazioa ezarriko da, seinalisten bidez arautua.

Errepidearen gainazala berritu eta testura egokiko errodadura geruza berri bat emango da, eta errepidearen bizitza luzatzeko prebentzio jarduketa bat da. Debatik hasi, eta jarduketa eremua hondartzako tunela pasa eta Itziarko Hostal parerainokoa da.

Lanak ASFALTIA SL enpresari esleitu zaizkio, 623.642,63 € + % 21eko BEZa (130.964,95 €) kopuruagatik, obrak gauzatzeko epea 3 hilabetekoa izango dela aurreikusi da.