Auzokonpostajea egiteko ikastaroak egingo dira urriaren 19 eta 22an

2013ko urriaren 14aAuzokonpostajea egiteko ikastaroak egingo dira urriaren 19 eta 22an

Auzokonpostajea egiteko izen eman duten Deba eta Itziarko 74 familiei ikastaroak eskainiko zaizkie, bertan jaso ditzaten argibideak, konposta egiteko eskuorri bat, ontzia eta giltza. Ikastaroak urriaren 19an goizez, eta 22an arratsaldez izango dira, Mogel kaleko konpost-gunean.

Izen emandako familia gehienak Erdigunean eta Agirretxen bizi dira, horregatik udalak lehen guneak bertan jarri ditu. Erdiguneko biztanleentzako konpost-gunea Itur kalean, igogailuaren ondoan dago, eta Agirretxekoa, Mogel  kalean. Aurrera begira, eta eskariaren arabera, proiektua Debako beste auzoetara eta Itziarrera zabaltzea aurreikusten da.  

Jarri diren bi konpost-guneak itxitako egurrezko etxolez osatuak dira eta parte hartzaileek barruan utziko dituzte beraien etxeetako hondakin organikoak. Horrelako azpiegiturak inguruko beste udalerrietan jada funtzionamenduan daude, konpost helduaren emaitza onak lortuz. Bestalde, udalak jarraipen zehatz baten bidez, beharrezko baliabideak jarriko ditu gune hauen funtzionamendua egokia izan dadin eta sortzen diren zalantzak argitzeko eta parte hartzaileei konpostajea egoki egiteko laguntza ere  eskainiko dute

Ikastaro Egunak:

  •  Urriak 19: 10:00etan (euskaraz) eta 12:00etan (gazteleraz)
  •  Urriak 22: 17:00etan (erderaz) eta 18:30ean (gazteleraz)