Badatoz Olentzero eta Mari Domingi Debara!

2024ko abenduaren 23a

Bihar, abenduak 24, 11:45etik 13:15era, Olentzero eta Mari Domingi Debako kaleetan zehar ibiliko dira, Zuhatzako taldearekin eta Udal Musika eta Dantza Eskolako gazteekin batera, Gabon giroari bidea emanez.

Abenduaren 24an, asteartean, Deba musikaz, gabon giroz eta alaitasunez beteko da Olentzero eta Mari Domingiri ongietorria emateko. Zuhatzako taldearekin batera, Debako Udal Musika eta Dantza Eskolako gazteek giro aparta jarriko diote goiz berezi honi.

11:45etik 13:15era, Olentzero eta Mari Domingi Debako kaleetan zehar ibiliko dira, akordeoi, trikitixa eta txistu doinuekin kaleak alaituz.

Zatoz eta eman ongietorria Olentzero eta Mari Domingiri!