'Bastiñuixan' kalean eta parkeetan euskararen erabilera handitzeko egitasmoa martxoaren 15etik aurrera

2022/03/09
Debako Udalak eta Urtxintxak “Bastiñuixan” izeneko egitasmoa jarri dute martxan. Kalean eta parkeetan euskararen erabilera handitzea du helburu. Horretarako, martxoaren 15ean, 22an, 29an eta apirilaren 5ean, Urtxintxako jolas dinamizatzaileen laguntzaz, Zumardiko kioskoan egingo dira (euria bada, Ifar kaleko eskolako patioan).

Bi programa eskainiko dira. Zabu Zibu: 16:30etik 17:30etara; 3-5 urte bitarteko haurrak dituzten familientzat. Helburua euskaraz jolastu ahal izateko tresnak eskaintzea da, beraz, behar be- harrezkoa da haurrak guraso edo helduren batekin joatea eta jolastea. 

Txirrintxon: 17:30etik 18:30etara; 6-9 urte bitarteko haurrentzat. 

Jolasa, ekintza askea izateaz gain, ezagutzak oharkabean jasotzeko tresna ezin hobea da, hizkuntza barneratzeko tresna, besteak beste. Alde batetik, hizkuntza formala lantzeko erabil daitekeen teknika da; baina, batez ere, hizkuntza ez formala sustatzeko da baliagarria. Hau da, euskara kalera ateratzeko modu bat da: abestiak, esamoldeak, hiztegia... 

Hiru helburu nagusi ditu programak; familiei eta haurrei euskaraz jolasteko baliabideak eskaintzea, familiak eta haurrak euskararen inguruan biltzeko guneak sortzea eta jolasguneetan euskararen presentzia areagotzea.