Bertan behera utzi ditu udalak jendea biltzen dituzten ekimenak covid-19aren intzidentzia tasagatik

Gotzone Sagardui EAEko Osasun Sailburuak sinatutako aginduetan jasotzen denez, topaketak 6 pertsonetara mugatzea gomendatzen da eta edukierak %50 murriztuko dira. Deban, egoera epidemiologiko larria duten gainontzeko herrietan bezala, herritarrei gomendatzen zaie ez irtetea. Ezingo da taldeko kirolik egin, ostalaritzak 21:00etan itxi beharko du eta ezingo da barran kontsumitu, besteak beste. 

Azken asteotan osasun agintariek ezarri duten semaforoari erreparatuta, asteburuan sartu da Debako udalerria gune gorrian. Gora egin dute positibo kopuruek azken asteotan. Osakidetzak egoera epidemiologikoaren inguruan emandako azken datuen arabera (urriaren 22an baieztatutakoak), Debako herritarren arteko kutsatze mailaren 14 eguneko tasa 100.000 pertsonako 606,06 da (500 behar dira gune gorrian sartzeko).

Debako udalak, herritarrei eskatu nahi die zentzuz eta erantzukizunez joka dezaten. Garrantzitsua da une honetan guztion osasuna zaintzea eta horretarako, emandako gomendio eta jarraibideak jarraitzea. 

Horregatik, jendea biltzen dituzten jardueran bertan behera uztea erabaki du. Kultur eta kirol jarduerak, ikastaroak... ez dira egingo datozen egunotan, eta egoera hobetzen ez den bitartean. 

Azaroaren 1a hurbiltzen ari dela eta, gogoan izan, halaber, pertsonen topaketa gurtzarako espazioetarako irizpide hauek egongo dira indarrean: %50eko edukiera izango dute eta pertsonen artean 1,5 metroko distantzia gorde beharko da.

Osasun Sailaren agindu eta gomendioen inguruko informazioa.