BETEAN AUDITORIA S.L.P ENPRESAK DEBAKO UDALAREN ONDARE ETA AURREKONTUEI BURUZ IGORRITAKO IKUSKARITZA TXOSTENA WEBGUNEAN ARGITARATUTA DAGO

2016ko maiatzaren 13aBETEAN AUDITORIA S.L.P ENPRESAK DEBAKO UDALAREN ONDARE ETA AURREKONTUEI BURUZ IGORRITAKO IKUSKARITZA TXOSTENA WEBGUNEAN ARGITARATUTA DAGO

Betean enpresak igorritako ikuskaritza txostena Udalaren webgunean argitaratu da. Debako Udalaren 2014 ekitaldiko ondare eta aurrekontuei buruzko aldeko auditoria txosten honek salbuespen batzuk ditu. Laster, datozen ekitaldietako auditorietarako esleipen prozedurarako lizitazio iragarkia argitaratuko dute.

Iaz Debako Udalak ikuskaritza prozesu bat jarri zuen martxan herritarrei zin egindako gardentasuna bermatzeko helburuarekin. BETEAN enpresa arduratu da Udalaren 2014 ekitaldiko aurrekontu-egoera ikuskatzeaz; eta horrekin batera, 2014ko abenduaren 31ko datan ondare-egoera balantzearen eta galdu-irabazi kontuaren analisi txostena ere egin du.

2014an onartutako aurrekontuen likidaziotik ondorioztatzen da ekitaldiko aurrekontuaren emaitza eta gastu orokorretarako diruzaintzako soberakina 49.744,76 € negatibokoa eta 2.064.568,24 € koa direla, hurrenez hurren.

Burututako lanen emaitza gisa igortzen den auditoreen iritzian barneratutako ondorioei dagokienez, honako doikuntza eta zuzenketak proposatu dituzte salbuespen gisa:

  • Ekitaldiko aurrekontu-emaitzaren defizita 975.005 €-tan murriztu beharko litzateke, doikuntzen ondorengo zenbatekoa 1.024.750 €-koa izatera iritsiz.

  • Gastu orokorretarako diruzaintza soberakina 1.002.150 €-tan murriztu beharko litzateke, doikuntzen ondoren 1.062.418 €-koa izatera iris dadin.

Doikuntza hauek honako arrazoiengatik dira beharrezkoak:

  • 2014ko ekitaldian egikaritutako gastuak zegozkien aurrekontuan ez egozteagatik; eta haren ordez, 2015eko ekitaldian islatzeagatik

  • 2014 ekitaldiko sarrera gisa egotzitako dirulaguntzei dagozkien inbertsioak ekitaldi horretan ez burutzeagatik

  • Aurreko ekitaldi batzuetan kobratutako sarrera batzuk bueltatzeko obligazioagatik

Aipatutako lan honen emaitza aldeko auditoria txosten bat da salbuespenekin; hau da, ikuskatutako aurrekontuek, alderdi esanguratsu guztietan, Debako Udalaren 2014ko ekitaldiko ondarearen eta emaitzaren irudi fidela erakusten dute.

Bestalde, auditoria txostenak hobekuntzarako hainbat aholku dakartza eta Udala hauek aztertzen ari da, datozen ekitaldietan kontutan har ditzan.

Laster, datozen ekitaldietarako auditorietarako esleipen prozedurarako lizitazio iragarkia argitaratuko da.

Auditoria txosten osoa eskuragarri egongo da lotura honetan, baita beraren bertsio laburtua ere.