Birgaitze jasangarriaren arloko Next Generation diru-laguntzei buruzko informazio saioa asteazkenean, hilak 22, Deban

2023ko martxoaren 15a

Ispiluen gelan izango da, eta eraikinen eta etxebizitzen birgaitze energetikoan diharduten eragile eta profesionalei zuzenduta dago. Hala ere, gai horretan interesa duten herritarrak ere joan daitezke.

Debako eta Mutrikuko Udalek, Debegesarekin elkarlanean, Europar Batasunetik datozen birgaitze jasangarriaren eta energia-eraginkortasunaren arloko laguntza ekonomikoen inguruko informazio-saio bat antolatu dute. Zehazki, etxebizitza-eraikinak birgaitzeko jarduketentzako, etxebizitzetan energia-eraginkortasuna hobetzeko jarduketentzako eta berroneratze eta birgaitze-proiektuak idazteko, lehendik dagoen eraikinaren liburua egiteko dauden Next Generation diru-laguntzak azalduko dituzte.

Hitzordua martxoaren 22an izango da, asteazkena, arratsaldeko 18:00etan, Debako Ispiluen gelan (Astillero kalea 12), eta ez da beharrezkoa aldez aurretik izena ematea. Aurkezpena eraikinen eta etxebizitzen birgaitze energetikoan inplikatuta dauden agente eta profesionalei zuzenduta dago (jabeen erkidegoetako administratzaileak, arkitektoak, eraikuntza-enpresak, etab.). Dena den, saio irekia da, eta eraikinaren edota etxebizitzaren birgaitze energetikoan interesa duten herritarrak ere joan daitezke.

Debegesak, Debabarreneko Birgaitzeko Hirigintza Elkarte eta  Eusko Jaurlaritzako erakunde laguntzailea den neurrian, diru-laguntzak kudeatzen ditu. Hortaz, eurek azalduko dituzte goian aipatutako laguntza bakoitzaren ezaugarriak eta baldintzak