Burdin Kurutz M.T. eta Luzaro ikastetxeak 2014-2015 ikasturterako ikasleen Mendi Irteera Egutegia martxan jarri dute

2014/09/15
Aurten ere, aurreko urteetan bezala, Burdin Kurutz Mendi Taldeak eta Luzaro ikastetxeak 2014-2015 ikasturterako ikasleen Mendi Irteera Egutegia eskaini dute. Igande honetan, hilaren 21ean, emango diote hasiera ikasturteko mendi ibilbideei Ondarru-Mutriku-Deba goiz pasarekin.

Burdin Kurtuz M.T. eta Luzaro ikastetxeak ikasturte honetarako antolatu dituzten Mendi Irteerek badute jada egutegi bat.  Hilabetero inguruko mendi eta ingurune ezberdinak ezagutzeko aukera izango dute 3. mailatik gorako ikasleek, beraiei zuzenduta baitaude irteera hauek. Hala eta guztiz ere, guraso edo laguntzaileekin, txikiagoek ere gozatu ahal izango dute ibilbide hauetaz.

Umeei zuzenduak izanik, ibilaldi errazak eta erosoak dira. Irteera puntua gehienetan Estalitako Pasealekua izango da (autobus geltokia) eta irteera ordua, berriz, goizeko 8.30. Gainera, irteera asko egun osokoak izango dira, arratsaldeko 4 edo 5etan itzuliz herrira; nahiz eta egun erdikoak ere badiren.

Mendi irteera hauek ikasleentzat dohain izango dira, Kirol Eskolarraren barruan baitaude. Bazkideek, nagusiek eta gurasoek, ordea, ordaindu egin beharko dute.

Maiatzaren azkenengo asteburuan, zenbait baldintza betetzen badira, bi eguneko irteera ere antolatuko da eta ikastaroko azken irteeran (ANDUTZ EGUNEAN) parte hartu duten ikasleen artean opari banaketa egingo da.

2014-2015 ikastarako Mendi Irteeren Egutegia:

  • Irailak 21: Ondarru-Mutriku-Deba (goiz pasa)
  • Urriak 12: Azkarate-Hirukurutzeta-Karakate-Elgoibar (goiz pasa)
  • Azaroak 23: Aiako Harriei Itzulia (Aritxulegitik)
  • Urtarrilak 11: Aralar aldera
  • Otsailak 15: Urbia aldera
  • Martxoak 8: Ibilaldi neurtua (goiz pasa)
  • Apirilak 19: Ibilaldia Kanboarrekin (goiz pasa)
  • Maiatzak 30-31: Bi eguneko irteera (zehazteko)
  • Ekainak 14: Andutz eguna

Besterik gabe, Burdin Kurutz M. T. eta Luzaro ikastetxeak ibilaldi hauetan parte hartzera gonbidatzen zaituzte ikasle, guraso, lagun eta bazkide zaretenoi!!