Debak emakume sortzaileen laburmetraiak eskainiko ditu ostiral honetan Zinegoak zikloaren baitan

2025ko maiatzaren 7a

Saioa, 19:00etan hasiko da eta emakumeen sorkuntza eta talentua aitortzea eta balioan jartzea izango du helburu.

Datorren maiatzaren 9an, Debako Kultur Elkartean zinema saio berezi bat ospatuko da, eta bertan Zinegoak jaialdian emakume sortzaileek egindako laburmetraiak proiektatuko dira. 19:00etan hasiko den saio honek emakumeen sorkuntza eta talentua aitortu eta balioan jartzen du, zinema munduan duten ekarpenaren garrantzia indartuz. 

Ekitaldi honek urtero antolatzen den Zinegoak zinema zikloaren parte da, eta, aurten, emakumezko zinemagileek sortutako lanak izango dira ikusgai. Laburmetrai hauek gai desberdinak lantzen dituzte, baina guztiak ikuspegi propio eta berritzaile batetik.

Saioa doakoa izango da eta herritarrei irekia da. Hala, Debako Udalak herritar oro gonbidatzen du kultur ekitaldi honetan parte hartzera eta emakume sortzaileek egindako zinemaz gozatzera. 

Zinegoak jaialdiaren inguruko informazio gehiago lortzeko, webgune ofiziala kontsulta daiteke hemen.