Debak Urte Berriko Azoka jasoko du urtarrilaren 3an

2025ko abenduaren 29a

Azoka 09:00etatik 14:30era ospatuko da Berasaluze plazan, Foruen plazan, Plaza Zaharrean eta kioskoan, eta abeltzaintza, artisautza eta tokiko ekoizleen produktuak izango ditu. Era berean, azokak ohiko gazta, ezti edo barazki-fruta lehiaketak izango ditu, eta berrikuntza gisa, sagarrarekin egindako sukaldaritza tailerra egongo da, publiko guztientzat irekia.

Datorren larunbatean, urtarrilaren 3an, Debak Urte Berriko Azokaren edizio berri bat ospatuko du, baserriko produktuei balioa eman eta udalerriko bizitza kultural eta soziala dinamizatzeko. Aurten, berrikuntza garrantzitsuekin dator azoka, jai-giroaren eta bertako ekoizpenaren aldeko apustuari eutsiz.

Ohi bezala, azoka 09:00etatik 14:30etara izango da, eta ganadua (hegaztiak izan ezik), artisautza eta eskualdeko ekoizleak izango dira bertan. Aurten, ordea, pasealeku estaliko obrak direla eta, azokako gune hori Berasaluze Plazara lekualdatuko da; beraz, azoka erdiguneko hainbat tokitan egingo da: Berasaluze plazan, Foruen plazan, Plaza Zaharrean eta kioskoan. Bertan egongo dira salmenta postuak, erakusketak eta jarduerak.

Azokarekin batera, kalejirak, dantzak eta musika emanaldiak izango dira, eta, aurtengoan, ezti elkarteak eztiari buruzko tailer bat eskainiko du. Berrikuntza gisa, sagarrarekin egindako sukaldaritza tailerra ere egingo da, publiko guztiarentzat irekia.

Era berean, ohiko barazki-fruta, gazta eta ezti lehiaketak ospatuko dira eta aurten, berrikuntza gisa, lehen sailkatuentzako 500 euroko sariak eskainiko dira, produktuen kalitatea eta ekoizleen partaidetza sustatuz.