Debako 58 familia auzokonpostajea egiten hasiko dira

2013/10/31
Joan den astean ospatutako ikastaroetan Debako 58 familiak auzokonpostajea egiteko argibideak, ontzia, giltza eta esku orria jaso zituzten eta azaroaren 1etik aurrera auzokonpostajea egiten hasiko dira.

Hasiera batean bi konpost-gune ezarri dira Deban; bata Itur kalean, erdiguneko familientzako, eta bestea Mogel kalean, Agirretxekoentzako. Ikastaroak bigarren  konpost-gune honetan bertan ospatu dira, herritarrek konpost-guneen eredua eta funtzionamendua ezagutzeko helburuarekin. Horrez gain, familia bakoitzari konposta non egitea egokitu zaion eta gune bakoitzerako arduradunak ere izendatu dira. 

Itxaron zerrendan dauden 34 familiei eta hemendik aurrera izen eman dezaketen gainontzeko familiei ikastaroak eta materiala banatzea aurreikusten da, izan ere, bi gune hauetan oraindik  ere badago lekua, eta eskariaren arabera Udalak ez du baztertzen gune gehiago eraikitzea.

Auzokonspostajea egin nahi duten familiek oraindik ere izena eman dezake udalera deituz, 943 19 28 40 edo helbide honetara idatziz, konposta@deba.net. Informazio gehiagorako http://www.deba.net/eu/udala/udalaren-egitura-eta-sailak/ingurumena/hondakinak/auzo-konposta

Partehartzaileak, udalak antolatutako auzokonpostajerako formakuntza ikastaroetako batean