Debako Caritas elkarteak atzo egin zuen tonbolako azken zozketa berezia

2018ko abuztuaren 25aDebako Caritas elkarteak atzo egin zuen tonbolako azken zozketa berezia

Iazko arrakastaren ondoren, aurtengo abuztuan ere ikaragarrizko tonbola antolatu du herriko Caritas elkarteak. Boleto guztiak saldu ondoren, banatu gabeko sariekin azken zozketa egin zuten atzo, abuztuaren 24an.

Aurtengo tonbola ere arrakastatsua izan da. Debako Caritas elkarteak San Roke jaietan zehar boleto guztiak saldu ditu, eta asko izan dira parte-hartzaile guztien artean banatutako sariak. Hala eta guztiz ere, tonbolan parte hartu duen orori (saritua izan edo ez) boletoa gordetzeko eskatu zaio; izan ere, atzo, abuztuak 24, zozketa berezia egin zen azken sari batzuk banatu ahal izateko.

Zozketa berezi honetako zenbaki sarituak eta hauen ordezkoak beheko taulan ikus daitezke. Zenbaki saritua izanez gero, tonbolako lokalera gerturatu beharko zara abuztuaren 25ean edo 26an, 13:00-14:00 bitartean; edota hilaren 27tik 31ra bitartean, arratsaldeko 6etatik 7etara.

Irailaren 1ean, jaso ez diren zenbakien zerrenda argitaratuko da; hortaz, hurrengo egunetan, ordezko zenbakien sariak banatuko dira. Horiek jaso ahal izateko, pasa zaitez tonbola izan den lokal beretik irailaren 1ean eta 2an, 13:00-14:00 bitartean; edota hilaren 3, 4, 5, 6 eta 7an, 18:00etatik 19:00etara.