Debako Caritas elkarteak atzo egin zuen tonbolako azken zozketa berezia

2019/08/24
Aurtengo abuztuan ere ikaragarrizko tonbola antolatu du herriko Caritas elkarteak. Boleto guztiak saldu ondoren, banatu gabeko sariekin azken zozketa egin zuten atzo, abuztuaren 23an.

Aurtengo tonbola ere arrakastatsua izan da. Debako Caritas elkarteak abuztuaren 9tik 17ra bitartean boleto guztiak saldu ditu, eta asko izan dira parte-hartzaile guztien artean banatutako sariak. Hala eta guztiz ere, tonbolan parte hartu duen orori (saritua izan edo ez) boletoa gordetzeko eskatu zaio; izan ere, atzo, abuztuak 23, zozketa berezia egin zen azken sari batzuk banatu ahal izateko.

Zozketa berezi honetako zenbaki sarituak eta hauen ordezkoak taula honetan ikus daitezke. Zenbaki saritua izanez gero, tonbolako lokalera gerturatu beharko zara abuztuaren 24an edo 25ean, 12:00-14:00 bitartean; edota hilaren 26tik 30era bitartean, arratsaldeko 6etatik 8etara.

Abuztuaren 31n eta irailaren 1ean banatuko dira ordezko zenbakien sariak. Horiek jaso ahal izateko, pasa zaitez tonbola izan den lokal beretik 12:00-14:00 bitartean; edota hilaren 2tik 6ra, 18:00etatik 20:00etara.