Debako hondartzetako kutsaduraren inguruko argipena eskatuko dio Udalak Eusko Jaurlaritzako Osasun Sailari

2020/08/21
Aste honetan Debako Santiago eta Lapari hondartzak itxi behar izan ditu Udalak bi egunez, Osasun Publikoaren bulegoak jakinarazitako enterokokoen kopuru altuagatik. Asteazkenean hartutako ur-laginaren emaitzak ondo eman ondoren, uraren kalifikazioa ona zela baieztatu zen, nahiz eta oraindik enterokokoen presentzia txikia egon.

Orokorrean uda garaian, enterokoko gutxiago izaten ditu eta bikain kalifikazioa izaten du bainatzeko urak. Horregatik, Debako udalak Osasun Sailari gutun bidez eskatuko dio hauen jatorria zein den argitzea, hauen kopurua balio normaletara jaisteko egingo dituen urratsen berri ematea, eta, etorkizunean halakorik berriz gertatuko balitz, Udalari behar beste informazio eman diezaion. 

Eibarko Osasun Publikoko bulegoak asteartean jakinarazi zion Udalari, astelehenean Debako hondartzan hartutako ur-laginaren (programatutakoa) emaitzak enterokokoen kopurua altua zuela, 1341/2007 Errege Dekretuan ezarritako kalitate-irizpideak gainditu zituela adieraziz eta ondorioz bainua debekatu egin behar zela esanez. 

Udalak, sorospen zerbitzua, surf eskolak eta Zurrunbilo elkartea eta herritarrei eman zien honen berri. Osasun Sailak emandako jarraibideak jarraituz, bainua debekatu zen. 

Hurrengo egunetan, Udala, udalaz gaindiko hainbat erakundeekin (Osasun Publikoko Bulegoa, Ur Agentzia eta Aztirekin) egin zuen harremana, aipatutako mikroorganismoen kopuru altuaren arrazoia zein izan zitekeen ezagutzeko eta jasotako erantzunak, usteak eta batzuetan informazioa kontrajarriak ere izan dira. Horregatik erabaki da azalpenak eskatzea.