Debako Udal Musika eta Dantza Eskolak zabaldu du 2021-2022 ikasturterako matrikulazio epea

2021/05/14
Debako Udalaren Musika eta Dantza Eskolako 2021-22 ikasturterako izen-emate epea ekainaren 18ra arte egongo da zabalik. Lehentasuna, online edo telefono bidezko matrikulazioari emango zaio.

Zabaldu da jada Debako Udal Musika eta Dantza Eskolan datorren ikasturterako matrikulazio epea, eta hori 2021ko ekainaren 18ra arte mantenduko da. Inprimaki hau bete beharko dute edota inskripzio-orria. Deba Musikaleko posta elektronikora bidali beharko da, musikaeskola@deba.eus. Informazioa jasotzen duen esku-orria banatuko zaie herriko ikastetxeetako haurrei eta hainbat puntutan banatuko dira (harrera bulegoak, turismo bulegoa, liburutegia, kiroldegia).

Telefonoz ere egin ahal izango da inskripzioa 943 192 016 zenbakian, eskola-ordutegiaren barruan, 14:30etatik 17:30etara.

Ekainaren 19tik aurrerako matrikula-orriak onartuko dira, baina epean matrikulatuekiko lehentasuna galduko dute. Bestalde, instrumentuetan matrikulatu ahal izateko honako irizpideak hartuko dira kontuan, lehentasunari dagokionez:

Instrumentuz aldatzeko zain, itxaron zerrendan dauden ikasleak:

  • Lehen nibeleko lehenengo mailan hasten diren barne ikasleak

  • Barne-ikasleak

  • Eskola kanpoko ikasleak

  • Bigarren instrumentua

  • Herritik kanpoko ikasleak

Musika-tresnei dagokienez, aukera zabala eskaintzen du Debako musika eskolak; haize-metalezkoak (tuba, bonbardinoa, tronboia, tronpeta, tronpa), haize-zurezkoak (saxofoia, klarinetea, flauta, oboea), perkusioa, harizkoak (bibolina, gitarra, baxu elektrikoa), polifonikoak (pianoa eta eskusoinua), folklorea (gaita, gaita-danborra, trikitixa, panderoa eta txistua), kantua eta euskal dantza.

Edozein zalantza argitu edota informazio gehiago eskuratzeko, deitu 943 192 016 telefonora edota idatzi musikaeskola@deba.eus helbide elektronikora.

ESKAINTZARI BURUZKO INFORMAZIOA