Debako Udalak berdez argituko du udaletxea gaur, otsailak 4, Minbiziaren Aurkako Egunean

2024ko otsailaren 4a

Udalaren helburua da aldarrikapenarekin bat egitea eta gizartea kontzientziatzea eta mobilizatzea, gaixotasun honen prebentzioan urratsak emateko.

Debako Udalak bat egingo du gaur, otsailak 4, Minbiziaren aurkako Mundu Egunarekin, eta udaletxea berdez argiztatuko du.

O.M.S.ek (Osasunaren Mundu Erakundea), Minbiziari buruzko Ikerketen Nazioarteko Zentroarekin eta Minbiziaren aurkako Nazioarteko Batasunarekin batera, 2000ko otsailaren 4an erabaki zuten egun hau ezartzea, kontzientziazioa areagotzeko eta gizartea mobilizatzeko, gaixotasun horren prebentzioan aurrera egiteko.

Prebentzioa, detekzio goiztiarra eta ikerketa

Horrela, prebentzioa, detekzio goiztiarra eta ikerketa jarduera garrantzitsuak eta beharrezkoak direla aldarrikatzen dute, minbizia munduko heriotza-kausa nagusietako bat baita. Alor honetan, hainbat tratamenduetan asko aurreratu da, eta kasu batzuetan norberari egokitutako tratamenduak ematen dira, gaixotasuna gainditzea hein handi batean ahalbidetzen dutenak. Era berean, minbizi metastasikoa duten pertsonen biziraupenean eta bizi-kalitatean ere aurrerapauso handiak eman dira.