Debako Udalak eta Heztenek bat egin dute, beste behin, ‘Bastiñuixan’ proiektuarekin, espazio publikoetan euskararen erabilera sustatzeko

2024ko otsailaren 29a

Bastiñuixan’ proiektuak euskararen erabilera sustatuko duten jolas eta hezkuntza inguruneak sortzea du helburu, batez ere, gazteen artean. Hori horrela, bi programa landuko dira: ‘Zabu zibu’ eta ‘Txirrintxon’.

Debako Udalak ‘Bastiñuixan’ proiektuaren edizio berri bat iragarri du Heztenekin elkarlanean, herriko parke eta kaleetan euskararen erabilera sustatzeko helburuarekin. ‘Bastiñuixan’ proiektuaren helburua da herritarren artean, batez ere gazteenen artean, euskararen erabilera sustatuko duten jolas eta hezkuntza-inguruneak sortzea. Helburu hori lortzeko, hainbat jarduera dinamizatuko dira Zumardiko kioskoan, otsailaren 29an eta martxoaren 7an, 14an eta 21ean. Euria eginez gero, jarduerak Ifar kaleko ikastetxeko patioan izango dira. 

Honako programa hauek garatuko dira:

‘Zabu zibu’ (16:30-17:30): 3 eta 5 urte bitarteko haurrak dituzten familiei zuzenduta, programa honen helburua da euskaraz jolasteko tresnak eskaintzea. Haurra heldu batekin etorri beharko da parte hartu ahal izateko. 

‘Txirrintxon’ (17:30-18:30): 6 eta 9 urte bitarteko haurrei zuzenduta, programa honek euskararen erabilera modu dibertigarrian sustatzeko diseinatutako jolas-jarduerak eskaintzen ditu.

Debako Udalak udalerriko familiak gonbidatu ditu jarduera hauetan parte hartzera eta Deban euskara indartzen eta zabaltzen laguntzera.