Debako Udalak hasierako onespena eman dio Eguneko Zentroaren araudiari

2024ko apirilaren 18a

Araudiaren bitartez Eguneko Zentroaren zerbitzu integral eta indibidualizatuak erregulatu nahi ditu Debako Udalak, erabiltzaileen autonomia pertsonala eta bizi-kalitatea hobetzeko. Dokumentua ikusgai dago jada udal webgunean.

Debako Udalak hasierako onarpena eman dio mendekotasun-egoeran dauden adinekoei zuzendutako Eguneko Zentroaren araudiari. Onarpen hau urrats garrantzitsua da udaleko gizarte-zerbitzuak eta debarrei eskaintzen zaien zerbitzuaren kalitatea hobetzen jarraitzeko.

Araudia funtsezkoa da zentroko erabiltzaileen autonomia eta bizi-kalitatea hobetuko duten zerbitzu integral eta pertsonalizatuak erregulatzeko. Hala, dokumentu honek eguneko zentroaren funtzionamendurako oinarriak jasotzen ditu, eguneko arreta integral eta indibidualizatua, zaintzaileentzako laguntza eta erabiltzaileen beharretara egokitutako programak barne hartzen dituenak. Zentroak 20 lagunentzako plazak eskaintzen ditu eta adinekoak beren ohiko ingurunean mantentzeko eta beren beharrei erantzun egokia emateko diseinatuta dago

Hona hemen araudian jasotako xehetasunetako batzuk:

• Zentroaren helburuak: Erabiltzaileen autonomia pertsonala hobetzea edo mantentzea, muga funtzionalak konpentsatzea eta laguntza integrala eskaintzea.

• Eskainitako zerbitzuak:

o   Banakako oinarrizko atentzioa.

o   Eguneroko jardueretara berregokitzea.

o   Zerbitzu psikosoziala eta animazioa.

o   Garbitegia, jantokia eta aurrez ezarritako geltokietatik Zentrorako garraioa.

• Ordutegia eta arreta-egunak

o   Zentroa astelehenetik ostiralera egongo da irekita, jaiegunetan izan ezik, urteko hilabete guztietan, 9:30etik 17:30era.

• Sarbidea eta onarpena:

o   Sarbidea 7/2015 Foru Dekretuak arautzen du, prozedura bidezkoa eta gardena bermatuz.

o   Zentroaren gaitasunak gainditzen dituzten edo elkarbizitza segurua eragozten duten osasun-baldintzak dituzten eta zaintza espezializatuak behar dituzten pertsonentzat murrizketa espezifikoak aplikatzen dira.

• Ekarpen ekonomikoak:

o   Erabiltzaileen ekarpenak ekitatearen eta progresibitatearen printzipioetan oinarrituta kalkulatuko dira, indarrean dagoen araudiaren arabera.

• Zentroko erabiltzaileen eta langileen eskubideak eta betebeharrak:

o   Betebehar argiak ezartzen dira, arauekiko errespetua eta zerbitzuen ordainketa puntuala barne.

• Arauak eta funtzionamendua

o   Faltak

o   Senideen bisitak

o   Medikazioa

o   Bajak

Araudi honen bitartez, Debako Udalaren helburua da mendekotasun-egoeran dauden pertsonei autonomia pertsonala bermatzen eta arreta egokia ematen jarraitzea. Dokumentua dagoeneko ikusgai dago udal webgunean, esteka honetan.