Debako Udalak lizitaziora atera du Eguneko Zentroko animazio jarduerak indartzeko eta laguntza psikologikoa emateko zerbitzua

2024ko otsailaren 20aDebako Udalak lizitaziora atera du Eguneko Zentroko animazio jarduerak indartzeko eta laguntza psikologikoa emateko zerbitzua

Interesa duten enpresek 2024ko martxoaren 6ra arte aurkeztu ahal izango dituzte eskaintzak.

Debako Udalak Eguneko Zentrorako animazio eta arreta psikologikoan espezializatutako zerbitzuak kontratatzeko lizitazio prozesua zabaldu duela iragarri du. Kontratu honen helburua da jarduera psikosozialen programa aberastea eta erabiltzaile bakoitzaren premia indibidualetara egokitutako jarraipen psikologikoa ematea.

Zerbitzuaren helburua eta irismena

Zerbitzuaren helburu nagusia da animazioko eta psikoestimulazioko hainbat jarduera antolatzea eta gauzatzea, besteak beste:

-                Eguneroko bizitzako jarduerak

-                Psikoestimulazioa eta psikomotrizitatea

-                Errealitatera eta jarduera fisikora bideratzea

-                Ludoterapia, memoria, oroitzapen eta eskulan tailerra

-                Funtzio psikoafektiboetan, jarduera sozialetan eta berezietan esku hartzea

Gainera, arreta psikologiko integrala eman beharko da, erabiltzaile guztien balorazio kognitiboa, funtzionala, jokabidezkoa eta psikoafektiboa barne. Era brean Arreta Indibidualizatuko Plana (API) osatzeko prozesuan parte hartu beharko da.

Horrez gain, enpresa interesdunek beren eskaintzetan zehaztu beharko dute baldintza-agirian ezarritako betekizunak betetzeko proposatutako barne-antolamendua. Udalarekin komunikazio eraginkorra izateko gaitasuna baloratuko da, eta, horren barruan, gorabeheren aurrean berehalako txostenak ematea, erabiltzaileen sei hilean behingo balorazioak, bilakaerari buruzko urteko txostenak eta jardueren urteko programazioa eta memoria.

Epea eta ordutegia

Programa urteko 12 hilabeteetan garatuko da, astelehenetik ostiralera (jaiegunak ez); eta erabiltzaileekin izango den zuzeneko jarduera ordutegia 10:30etik 12:30era eta 15:15etik 16:40ra izango da.

Ekintzen aurkezpena

Lizitazio-prozesu honetan parte hartu nahi duten enpresek 2024ko martxoaren 6a baino lehen aurkeztu beharko dituzte eskaintzak. Informazio eta xehetasun gehiago nahi izanez gero, Debako Udalaren webguneko Kontratatzailearen Profilean daude eskuragarri (hemen).