Debako udalak Moria pertsona errefuxiatuen eremutik alde egin behar izan duten pertsonekiko elkartasuna adierazi du

2020/09/29
Europako errefuxiatuen esparrurik handiena den Morian izandako suteen ondorioz milaka pertsona sakabanatuta daude. COVID-19ak are gehiago okertu ditu pertsona hauen bizi baldintzak. Irailaren 24an Debako udalbatzak egindako ohiko osoko bilkuran elkartasuna adierazteko adierazpen instituzionala onartu zen aho batez.

Elkarte eta erakundeak egoeraren azterketa egiten ari dira, pertsona errefuxiatuak non pilatu diren aztertzen eta janaria nola banatu eta haiengana nola heldu baloratzen. Lan hori egiten ari direnen artean, Zaporeakeko kideak daude, gaur egun zerbitzu oinarrizko bat ematen dauden erakunde bakanetakoak direlarik. Debako udalak lagundu izan du aurretik ere Zaporeak elkartea eta lan honetan ari diren elkarte eta erakundeak laguntzen jarraitzeko konpromisoa du. 

Adierazpen instituzionalak jasotzen duenez, “Debako Udalak 'harrera hiritzat' du bere burua, eta elkartasuna adierazi nahi die haien bizilekuetatik alde egin beharrean diren pertsonei. Eta gatazka politiko eta militarretatik ihes egiten duten pertsona errefuxiatuak hartzeko prestutasuna adierazten du, baita konpromiso bera duten beste erakundeekin lan egitekoa ere”. Ildo horretan, goragoko erakundeei gaian esku har dezaten ere eskatu du. 

Adierazpen instituzionala