eLiburutegia Ostolaza Udal Liburutegian

2016ko martxoaren 4aeLiburutegia Ostolaza Udal Liburutegian

Euskadiko Liburutegi Digitala, eLiburutegia, Eusko Jaurlaritzak sortu eta abian jarritako liburu digitalen mailegurako zerbitzua da. eLiburutegiaren erabiltzaileek aldi berean hiru liburu ere har ditzakete maileguan, eguneko 24 orduetan eta urteko 365 egunetan. eLiburutegiaren plataforma Euskadiko Irakurketa Publikoko Sarearen erabiltzaile guztiei irekia dago.

Ostolaza Udal Liburutegia Euskadiko Irakurketa Publikoko Sarean dago eta sareko liburutegi guztiak bezala Debako udal liburutegiak ere liburuak formatu digitalean irakurtzeko aukera eskaintzen du eLiburutegia zerbitzuaren bitartez.

eLiburutegia Internet bidez liburu elektronikoak mailegatzeko zerbitzua da, Eusko Jaurlaritzak sortu, mantendu eta herritarren esku jartzen duena.  Azken nobedadeak, literatura klasikoak eta euskadiko irakurketa publikoko sareko liburutegiek egindako hautaketa zabal bat eskuratzeko aukera eskaintzen du. Gaztelaniazko, euskarazko eta beste hizkuntza batzuetako liburu elektronikoen bilduma zabala sortu du, eta egunean-egunean hazi eta gaurkotuz doa.

eLiburutegia zerbitzua erabili ahal izateko internet konexioa, gailu bateragarria eta interneterako sarrera izan behar duzu. Erabiltzaile-izena eta pasahitza izatea ere beharrezkoa da . Eduki ezean, Euskadiko Irakurketa Sare Publikoko liburutegi batera joan, eskatu eta han emango dizkizute. Euskadiko Irakurketa Sare Publikoko liburutegi bateko bazkidea bazara, sar zaitez www.eliburutegia.euskadi.eus webgunera, aukeratu mailegatu nahi duzun lana, eta liburutegiko bestelako zerbitzuak erabiltzeko dituzun datu berberak eman (bazkide-zenbakia eta pasahitza).

eLiburutegiaren mailegu baldintzak hauek dira:

  • Maileguen iraupena 21 egunekoa izango da.
  • Erabiltzaile batek gehienez hiru liburu hartu ahalko ditu maileguan aldi berean. Gainera, erabiltzaile batek hartutako hiru maileguetaz gain, erreserba bi egiteko aukera izango du. Mailegua iraungi baino 5 egun lehenago, gogorarazteko mezua bidaliko zaio erabiltzaileari.
  • Mailegatutako liburua eskuragarri egon daiteke 6 gailutan eta 6 ordenagailutan aldi berean.

eLiburutegian irakurri nahiko zenukeen liburua aurkitzen ez baduzu, liburu hori erosteko proposamena ere luzatzeko aukera duzu.

Ostolaza udal liburutegiko zerbitzu guztiak eta ordutegia ezagutzeko klikatu Ostolaza udal liburutegia