Errege kabalgatarako laguntza eskaera luzatu du Debako Kabalgata taldeak

2024ko azaroaren 29a

Interesdunek erregekabalgatadeba@gmail.com helbidera idatzi dezakete

Errege kabalgata antolatzen duen taldeak herritarren laguntza behar du hainbat antolaketa, dekorazio eta zaintza lanetarako, hala nola, kabalgataren egunean, paje bezala parte hartzeko, ibilbidean antolakuntzan-zaintzan jarduteko, edo apainketa eta desmuntatze lanetan aritzeko, besteak beste.

Herriko ekintzak bizirik mantendu daitezen, horietan parte hartzera animatzen ditu debarrak. Hala, interesa izanez gero, erregekabalgatadeba@gmail.com helbidera idatzi daiteke eta mezuan izen-abizenak eta kontaktu zenbakia adierazi beharko dira.