Errotazar futbol zelaiko hesia berritu da

2020/09/02
Errotazarreko hesia prest dago futbol denboraldi berriari ekiteko. Aparkalekuaren ondoko hesiaren zati bat aldatu egin berri da. Atearen atzealdean kokatuta dagoen eremuan baloiaren kolpeak beste inon baino ugariagoak izan ohi direnez, egitura errazago kaltetzen baita.

Hau honela, itxuraz orain arte bertan zegoen hesiaren antzekoa den bat jarri da, baina sendoagoa. Orain jarri berri den hesiak 4 nerbio ditu, aipatutako eremua indartzen dutenak. Aurrerantzean, beraz, baloi kolpeak hobe jasango ditu egiturak eta gutxiago kaltetuko da. 6.899 euroko kostua izan du egindako lanak.