Euskal Jaia 2018

2018ko irailaren 21aEuskal Jaia 2018

Esku artean dugu jada Euskal Jaia irgarriko duen kartela! Zuhatza Euskara Elkarteak eta Debako Udalak denon gustukoa izatea espero duten egitarau zabala prestatu dute iraileko azken larunbaterako: musika, dantzak, taloak, erromeria, bazkari herrikoia eta dagoeneko aski ezaguna den marmitako lehiaketa.

Iraileko azken larunbatean, hilaren 29an, Euskal Jaia ospatuko dugu Deban! Zuhatza Euskara Elkarteak Debako Udalarekin batera antolatu ohi du egun honetako egitaraua, eta aurreko urteetan bezalaxe, aurten ere hainbat ekintza izango ditugu herriko kaleetan zehar; betiere, euskara eta euskal kultura oinarri hartuta. Beraz, har ditzagun baserritar jantziak eta atera gaitezen kalera Debako jai giroaz gozatzera!

Euskal Jaiaren baitan, asteburua zertxobait borobiltzekotan, bi eguneko egitaraua kaleratu dute. Hemen behean aurki dezakezue egitarau osoa.

Irailak 28, ostirala

  • 19:00etan: Kalean Kantuz kalez kale.

Irailak 29, larunbata

  • 10:00etan: taloak, Plaza Zaharrean.

  • 11:30ean: tokiko sagar eta tomate barietateen dastaketa. Ondoren, tokiko hazien banaketa Paseo Estalian. Euskal Herriko Hazien Sarea eta Debanatura Ingurumen Heziketaren eskutik.

  • 12:30ean: Gure-kai dantza taldea eta musika eskolako dantzariak kalez kale.

  • 14:00etan: zanpantzarrak kalez kale.

  • 14:30ean: VIII. marmitako lehiaketa. Parte hartzaileek marmitako plater bat aurkeztu beharko dute. Parte hartzaileek (taldeko 5 pertsonak) sagardoa dohain izango dute. Animatu!!

  • 15:00etan: Euskaraldiaren aldeko argazki herrikoia, Aldats pilotalekuan.

  • 15:00etan: bazkari herrikoia, Aldats pilotalekuan. 700 pertsonentzat lekua egongo da. Bazkalostea trikitilariek girotuko dute.

  • 20:00etan: erromeria Basajaun taldearekin, Foruen plazan.

  • 23:00etan: erromeria Basajaun taldearekin, Foruen plazan.

Euskal Jaia iragartzen duen kartela eskuratu nahi baduzu, eskatu ezazu turismo bulegoan!

VIII. marmitako lehiaketa

Aurten ere marmitako lehiaketa izango dugu Euskal Jaiaren egitarauaren barnean. Lehiaketaren zortzigarren edizio honetan parte hartu ahal izateko aurrez izena eman beharko da turismo bulegoan. Izena emateko epea irailaren 27an (osteguna) bukatuko da. Egunean bertan, marmitakoa Plaza Zaharrean prestatuko da. Goizeko 10:00etarako antolakuntzak mahaiak ezarriko ditu bertan. Gainontzeko material guztia partehartzaileek beraiek eraman beharko dute (sua, kazuelak, atuna, patata …) eta 14:30erako prestatu duten marmitako platera toki berean aurkeztu. Aurten ere, lehiaketara aurkeztu den talde bakoitzeko bost kidek sagardoa doan izango dute herri bazkarian, edalontziak emango baitzaizkie. Sari banaketa, azkenik, bazkalostean egingo da Aldats pilotalekuan.

Bazkari herrikoia

Bazkari herrikoia beste behin Aldats pilotalekuan izango da. Bertan 700 lagunentzako tokia egongo da. Platerak eta mahai-tresnak antolakuntzak jarriko ditu, baina norberak bere bazkaria eraman beharko du. Txotx edalontzia salduko da bost euroren truke, eta sagardoa nahi beste izango da. Ardoa, kafea eta kopak hartzeko aukera eskainiko du Zuhatza Euskara Elkarteak. Hori bai, gunea txukundu eta jasotzea guztion ardura izango da!!

Oharra

Zuhatzak bolondresak behar ditu, eta laguntzeko aukerak honakoak izango dira:

  • 09:30ean mahaiak jarri eta antolatzea. 11:30etik aurrera soilik hartu ahal izango da lekua bazkarian.

  • 11:00ak aldera, txosna muntatu eta pilotalekua apaintzea.

  • Txotx-a antolatu, kafea eta kopak zerbitzatzea … Txosnan bi txanda egingo dira (14:30-16:30 eta 16:30-18:30).

  • 16:30ak aldera, Zuhatzak antolatutako zozketarako txartelak saltzea.

  • 18:30ean, txosna desmuntatu eta jasotzea.

Laguntzeko prest baldin bazaude, eman izena Zuhatza euskara elkartean, irailaren 25a baino lehen. Horretarako, deitu 943 19 13 83 edo 632 043 322 telefono zenbakietara edota idatzi koordinatzailea@zuhatza.com helbidera.

Guztion parte-hartzeaz, Euskal Jaia aurrera!!