Gozatuz aisialdi jardueretan izena emateko epea zabalik da irailaren 20ra arte

2019/09/10
Mogel eta Zubi guraso elkarteekin batera, Udalak aisialdi eskaintza zabala antolatu du aurtengo ikasturterako ere. Euskaran oinarrituta, hainbat kultur jarduera proposatzen dira; hala nola, antzerkia, argazkigintza, sukaldaritza, robotika, bertsolaritza eta lindy-hop. Izen-ematea zabalik da irailaren 20ra arte.

Gozatuz aisialdi eskaintza zabala antolatu du Udalak 2019/2020 ikasturterako, Mogel eta Zubi guraso elkarteekin batera. LH3-6 eta DBHko neska-mutilei ez ezik, gazte eta helduei ere parte hartzeko aukera emango zaie; haiei ere esperientzia berriekin gozatzeko aukera eman nahi zaielako.

Proposatzen den aisialdia gozagarria da, kultur jarduera desberdinak eskaintzen dira; euskara oinarri hartuta, emaitzari baino, prozesuan sortuko diren emozioei eta bizipenei begiratuko diena.

Jarduerak

  • Antzerkia: gorputz espresioa, mimika, ahotsa, inprobisazio jolasak, antzerki jolasak… LH5-DBH4ko ikasleak: urritik maiatz amaierara, astean bi orduko saio bat. Prezioa: 45€ hiruhileko (*9€ hiruhileko). 16 urtetik gorakoak: urritik maiatz amiaerara, hamabostean behin, 2 orduko saio bat. Prezioa: 70€ urtea(*14€ urtea).

  • Argazkigintza: argia, teknika, estetika eta narrazioa. LH5-DBH4: urritik maiatz amaierara, astean 2 orduko saio bat. Prezioa: 45€ hiruhileko (*9€ hiruhileko). 16 urtetik gorakoak: urritik abendura, astean 2 orduko saio bat. Prezioa: 45€ (*9€).
  • Sukaldaritza: etxeko gauzekin, bazkari/afariak prestatzen ikasteko, eta tarteka, gozo gauzak, tartak, opilak … egiteko. LH5-DBH4ko ikasleak: urritik urtarrilera edo otsailetik ekainera, astean 2 orduko saio bat. Prezioa: 35€ hileko (*7€ hileko). 
  • Teknologia tailerrak: robotika, programazioa, bideojokoen sorkuntza, 3D inpresioa, dronak, proiektuak ... LH3-2.batxilergoko ikasleak: urritik maiatzera, astean ordu eta laurdeneko saio bat. Prezioa: 60€/hiruhileko (*12€/hiruhileko).
  • Lindy Hop ikastaroa: swing musikaren dantzarik alaiena ezagutu, eta follower edo leader rola ikasiz, dantza sozialerako prestatu. 16 urtetik gorakoak: urritik maiatzera, hamabostean behin, 2 orduko saio bat. Prezioa: 50€/hiruhileko (*10/hiruhileko).
  • Bertsolaritza: nola eraikitzen da bertsoa, bertso doinuak, errimak, oinak ... LH5etik gora: urritik maiatzera, astean ordubete. Prezioa: 22,5€/hiruhileko (*4,5€/hiruhileko).

*Hurrengo prestazioak jasotzen dituztenek %20 ordainduko dute:

-Diru sarrerak bermatzeko errenta, D.B.E.

-Diru sarrerak bermatzeko laguntza, D.B.L.

-Gizarte larrialdietarako lagutnza, G.L.L.

Martxotik aurrera formatu desberdinetako sormen tailerrak antolatuko dira, ilustrazioa eta hitza uztartuz. Egon adi!

Matrikulak

Ikastaro hauetan izena emateko, matrikula orria bete eta turismo bulegoan edo udal liburutegian entregatu beharko da irailaren 20a baino lehen. Taldeak adinaren arabera antolatuko dira, eta aurrera egiteko, ezinbestekoa izango da, gutxienez, 10 lagun ordu berean biltzea.

Garrantzitsua da baja ematekotan lehen hiruhilabetean egitea eta abenduko oporrak baino lehen jakinaraztea. Bestela, ikasturte osoa kobratuko da.

Informazio gehiago nahi izanez gero, deitu 943 608 048 telefonora.