Hainbat lanposturen prozesuan eskabideak aurkezteko epea zabaldu da

2023ko otsailaren 24a

Administrazioko lanpostuen egonkortze prozesuaren barruan hainbat lan deialdi egin ditu Debako Udalak. Horietako batzuetan izena emateko epea zabaldu da. Otsailaren 24an hasi eta martxoaren 23an amaituko da epe hori.

Oinarriek ezartzen duten moduan, eskabideak aurkeztu ahal izateko, deialdia Espainiako estatuko aldizkari ofizialean argitaratu behar da. 2023ko otsailaren 23an argitaratu da dagokion iragarkia, eta hortaz, gaurtik aurrera, otsailak 24, eskaerak aurkezteko epea zabalik dago lehiaketa bidez hautatuko diren lanpostu hauetarako:

• Administrari laguntzailea, bi lanpostu.

• Eguneko zentroko laguntzailea, lanpostu bat.

• Liburuzain laguntzailea, lanpostu bat.

• Udaltzaina, lanpostu bat.

• Gizarte langilea, lanpostu bat.

• Deba Musikal Patronatuko administraria, lanpostu bat.

Zerrendako lanpostuen prozesuetan izena emateko epea 2023ko otsailaren 24tik 2023ko martxoaren 23ra artekoa izango da.

Eskaerak hemen egin daitezke.

Lehen fase honetan sartu ez diren lanpostuak aurrerago argitaratuko dira.