Hainbat neurri hartu dira koronabirusaren aurrean

2020/03/13
Debako udalak gaiaren jarraipena egiteko batzordea sortu du eta aldakorra denez egoera, une bakoitzak eskatzen duen neurriak hartu eta jakinaraziko ditu.

Osasun agintariek agindu bezala, koronabirus -COVID-19- gaixotasunaren zabalpena ahalik eta geldoena izan eta osasun zerbitzuen kolapsoa ekiditeko, martxoaren 13tik aurrera, eta berriro jakinarazi arte, Deba-Itziarren hurrengo neurriak hartu dira: 

1. Hezkuntza Sailaren aginduz Luzaro (Deba-Itziar) eta Mendata eskolak, eta haur-eskola itxiko dira.

2. Udalerriko kultur zein kirol jarduera guztiak etengo dira, eta ondorioz, udal-titulartasuneko honako eraikinak itxiko dira:

- Musika eskola

- Gaztelekua

- Udal liburutegia

- KZgunea

- Kiroldegia

- Aldats pilotelekua

- Euskal Jolas pilotalekua

- Errotazar futbol zelaia

- Arbil elkartea

- Eguneko Zentroko taberna

- Debako aterpetxea

- Gaztetxea

- Burugorri ostatua

- Burugorri eraikina

- Usoa elkartea

- Andutz biltokia

- Zabalsoro pilotalekua

- Lasturko Presaola pilotalekua

- Lasturko aterpetxea

- Lasturko elkartea

- Lasturko ludoteka

- Elorriagako Lau Haizeta elkartea

3. Gipuzkoako Urak-en Debako bulegoa itxita egongo da martxoaren 16tik aurrera, 14 egunez.

Herritarrei zentzuz jokatzeko eta hurrengo gomendioak jarraitzeko ere eskatzen da: 


1. Garbitasun neurriak zorroztu.

2. Eskuak sarritan garbitu.

3. Sukarra, edo arnas sintomak izanez gero ez joan anbulatoriora, etxean geratu eta deitu 900-20-30-50 zenbakira.

4. Mantendu metro bateko tartea, gutxienez, eztul edo doministiku egiten duten edo sukarra duten pertsonengandik.

5. Ez ukitu begiak, sudurra eta ahoa.

6. Etxean eta leku publikoetan eskuekin ukitzen diren gainazalen garbiketa areagotu.

7. Ahal den neurrian jende pilaketak ekidin.