Haur margo-lehiaketa egingo da maiatzaren 15ean Haitz-Haundik antolatuta

2021/05/12
Haurrei zuzendutako lehiaketaren 28. edizioa izango da aurtengoa. Aire librean egingo da. Larunbatean, maiatzaren 15ean 09:30etik aurrera banatuko dira laminak estalitako pasealekuan, eta 13:30 arte jasoko dira leku berean. Sari banaketa hurrengo egunean egingo da, igandean, Kultur Elkartean. Egungo osasun egoera dela eta, saridunak baino ezingo dira bertara joan.

Hauek dira lehiaketan parte hartzeko oinarriak: 

  1. Deba udalbarrutian bizi diren 16 urte arteko neska-mutilek hartu ahal izango dute parte; bai eta Udaleko ikastetxeren batean diharduen edozein ikaslek ere. 

  2. Lanen gaia norbere esku egongo da, eta aire zabalean egindakoak soilik izango dira kontuan.

  3. Izena emateko garaian, behar bezala zigilatu eta zenbakitutako lamina bana emango zaie lehiakideei. 

  4. Ez dira onartuko antolakuntzak emandako laminetatik kanpo egindako lanak. 

  5. Lau maila egongo dira: 

  • 1-5 urte bitartekoak 

  • 6-8 urte bitartekoak 

  • 9-10 urte bitartekoak

  • 11-16 urte bitartekoak 

  1. Lan guztiak epaimahaiak aztertuko ditu.

  2. Izen-ematea eta laminen banaketa estalitako pasealekuan egingo da. Adin talde bakoitzak bere mahaia izango du.