Maiatzaren 8an bueltatuko da merkatu txikia

2021/04/30
Iaz bezala, aurten ere merkatu txikia egingo da, hilabetean behin paseo estalian. Hilabeteko lehen larunbatean izango bada ere, lehenengo hau, maiatzaren 1a jai eguna denez, 8an egingo da. Salmenta postuak 9:00etatik 13:00etara egongo dira. Maiatzean hasi eta urrira arte luzatuko da ekimena.

Haurrentzako landaketa tailerra egingo da. Bi txandatan banatuko dira parte-hartzaileak, 11:30ean eta 12:00etan. Talde bakoitzean gehienez 12 ume hartuko dira, 3 mahaietan banatuta. Bertan parte hartu ahal izateko izena eman behar da udaletxeko harrera zerbitzuan. 

Bestetik, eta ohiko merkatuari lotuta, bihartik aurrera, merkatu lekua paseo estalia izango da asteazken, ostiral eta larunbatetan. Merkatuaren inguruko lanketa abiatuta du Udalak bertako ekoizleekin eta udazkenean lanerako mahaia sortuko da. Herriko aparkalekuen berrantolaketak, ordea, kokapenean dagoeneko aldaketa egitea eragin du.