Irailaren 7an, Euskal Herriko SUP Race txapelketa jokatuko da Deban

2019ko abuztuaren 26aIrailaren 7an, Euskal Herriko SUP Race txapelketa jokatuko da Deban

Deban jokatuko da Euskal Herriko SUP Race txapelketaren bigarren zirkuitua. Yako Surf Eskolak, Euskal Herriko Surf Federazioarekin elkarlanean, irailaren 7rako prestatu du kirol proba. Kategoria ofizialez gain, amateurrek ere izango dute txapelketa herrikoian parte hartzeko aukera.

Euskal Herriko SUP Race txapelketaren bigarren zirkuitua Deban jokatuko da irailaren 7an. Yako Surf eskolak antolatu du kirol proba hau Euskal Herriko Surf Federazioarekin elkarlanean. 

Kategoria ezberdinak egongo dira: ofizialak zein amateurrak. 

Kategoria ofizialak

  • Distantzia luzea (14'0 gehieneko taularekin): open kategoriak
  • Distantzia motza (12'6 gehieneko taularekin): gizon nahiz emakumeen kategoriak
  • Sub 18: gizon nahiz emakumeen kategoriak
  • Sub 12: open mistoa
  • Sub 14: open mistoa
  • Sub 16: open mistoa

Kategoria ofizialen kasuan, izen-ematea www.wavescores.net webgunean egin beharko da.

Kategoria amateurra

Kategoria amateurrerako, Yako surf eskolan eman beharko da izena, probaren egun berean, 10:00etatik 11:00etara bitartean.