Irri Banda ikuskizunerako sarrerak agortuta

2017/09/13
Irailaren 23an Irri Banda ikuskizuna egingo da Deban. Gaur goizean 400 sarrera jarri dira salgai eta dagoeneko agortu dira. Eguraldiaren eta eszenatokiak hartuko duen lekuaren arabera, sarrera kopurua gehitzeko aukera egon daiteke; baina hilaren 22ra arte ez dugu horren berririk izango.

Irailaren 23an izango dugu Irri Banda Deban. Debako Musika Banda, Kulunka dantza taldea eta herriko musika eskolako ikasleekin batera, Pirritx Porrotx eta Marimotots pailazoak igoko dira oholtza gainera.

Gaur goizean 400 sarrera jarri dira salgai turismo bulegoan eta jada agortu dira den-denak. Eguraldi-aurreikuspenek diotenaren arabera, ekitaldia Aldats edo Euskal Jolas pilotalekuan izango da eta eszenatokiak uzten duen tokia kontuan izanik, sarrera kopuru hau gehitzeko aukera ere izango genuke.

Hala eta guztiz ere, hilaren 22ra arte, ez dugu honen berririk izango. Beraz, ekitaldiaren bezperan jakingo dugu sarrera gehiago saldu ahal izango diren ala ez.

Barkatu eragozpenak.