Jai zoriontsuak opa dizkizuet, pozez eta itxaropenez beteak!

2023ko abenduaren 23a

Debar agurgarriak,

Egun seinalatu hauetan, besarkada bero bat eta nire desiorik onenak luzatu nahi dizkizuet. Gabonetan maite ditugun senide eta lagunekin elkartzen gara, egun bereziak ditugu aurretik.

Hala ere, kontziente naiz egun hauetan beste errealitate bat bizi duen debarrik ere badela.  Hainbat arrazoi tarteko, une zailak igarotzen ari zareten pertsona horiei guztiei indar eta animo mezu berezia bidali nahi dizuet: ez zaudete bakarrik.

2024ra begira, lanean jarraitzeko dudan konpromisoa berretsi nahi dut, Deban inor atzean gera ez dadin. Udaletik, eta nire taldearekin batera, Deba eraldatzen jarraituko dugu, herritar bakoitzaren ongizatea eta oparotasuna bilatzen duten ekimen eta proiektuekin. Helburu bakarra dugu: Deba bizitzeko lekurik onena izatea.

Jai zoriontsuak opa dizkizuet, pozez eta itxaropenez beteak!

Alazne Txurruka
Debako alkatea