Luzaro eta Mendatako ikasleak auzo konpostajea zertan datzan gertutik ezagutzen

2013ko abenduaren 3aLuzaro eta Mendatako ikasleak auzo konpostajea zertan datzan gertutik ezagutzen

Udalerrian azaroaren 1etik martxan dagoen auzokonpostaje proiektua gertutik ezagutzeko aukera eskaini die Debako udalak herriko ikastetxeei, hondakinen prebentzio astea izan dela eta.

 

Guztira 122 ikaslek parte hartu dute, Luzaro ikastetxeko Lehen Hezkuntzako 5.mailako 65 ikaslek eta Mendata ikastetxeko Derrigorrezko Bigarren Hezkuntzako 1.go mailako 57k.

Lanketa honetan, debarrek konpostaje prozesua nola burutzen duten azaldu zaie ikasleei eta azpimarratu zaie ze onurak dakarzkion ingurumen eta gizakiaren osasunari. Ikasleek gai honi buruzko hausnarketa egitea da ekimen honen helburua; baita proiektuan parte hartzeko animatzea ere.

Datozen hilabeteetan, ikasleekin auzo konpostajearen zikloa lantzen jarraitzea aurreikusten da, prozesua osorik eta lortutako emaitzak ezagut ditzaten.

Auzo konspostajea egin nahi duten familiek oraindik ere izena eman dezakete udaletxera deituz (943 19 28 40) edo helbide honetara idatziz, konposta@deba.net. Informazio gehiagorako : auzokonpostajea