Martxoaren 18ra arteko epea dago Deba 100 hitzetan literatur lehiaketan parte hartzeko

2021ko otsailaren 2aMartxoaren 18ra arteko epea dago Deba 100 hitzetan literatur lehiaketan parte hartzeko

Cardenas fundazioak eta Debako Udalak antolatzen duten Deba 100 hitzetan literatur lehiaketaren 6. edizioa egingo da aurten. Euskarazko eta gaztelaniazko modalitateak egongo dira. Lanak martxoaren 18a baino lehen entregatu behar dira Debako turismo bulegoan.

Oinarriak:

Hala nahi duen edonork har dezake parte. 

Bi modalitate egongo dira: euskarazkoa eta gaztelaniazkoa. 

Gaia: Deba. Idazlanak haren historiarekin, paisaiarekin edota, zuzenean edo zeharka, harekin lotuta dagoen edozerekin zerikusia izan beharko du.

Lanek ez dute 100 hitz baino gehiago izango, izenburua alde batera utzita. 

350 eurotako bi sari egongo dira hizkuntza bakoitzeko. Bata 350 eurokoa debar onenari (Deban erroldatuta); eta bestea 350 eurokoa, guztien artean, onenari.

Lanak paperean edo digitalean aurkeztu ahal izango dira. Gutun-azal handi baten kanpoko aldean pseudonimoa idatzi; eta barruan, idazlanaz gain, beste gutun-azal bat sartu beharko da honako datuekin: izen-abizenak, helbidea, adina eta telefonoa; baita helbide elektronikoa ere, izanez gero.

Lanak turismo bulegoan aurkeztu beharko dira 2021eko martxoaren 18a (14:00) baino lehen. 

Epaimahaia kultura saileko teknikariek aukeratutako pertsonek osatuko dute, eta haren erabakia apelaezina izango da.

Lan guztiak antolatzaileen eskuetan geratuko dira, Udalaren eta Cardenas Fundazioaren eskuetan. Gainera, lanen erreprodukzio eta hedapen eskubideak ere izango dituzte.

Lanak jatorrizkoak eta argitaratu gabeak izango dira. Edozein kalte edo erreklamazio izanez gero, parte-hartzaileek izango dute ardura osoa; antolatzaile eta babesleek ez dute inolako erru edo erantzukizunik izango. 

Lehiaketan parte hartzeak arau hauek onartzea dakar.