Meltxor, Gaspar eta Baltasarrek boluntarioak behar dituzte Debako Kabalgatarako

2023ko abenduaren 12a

Antolatzaileek dei egin diete debarrei boluntario gisa parte har dezaten eta aurten ere Erregeen Kabalgatak udalerriko kaleak zeharkatu ditzan • Kabalgataren antolatzaileek bilera deitu dute 2024ko urtarrilaren 3an, 19:00etan, Udaletxeko Osoko Bilkuren aretoan

Debako Udalak, Erregeen Kabalgata antolatzen duten pertsonen izenean, boluntario gisa parte hartzeko deia egiten die herritarrei. Urtez urte, Errege Magoak, Meltxor, Gaspar eta Baltasar, Debako kaleetan barrena ibiltzen dira; orain, desfile magiko honek arrakasta izaten jarrai dezan, debarren laguntza behar du.

Errege Kabalgatan boluntario gisa parte hartzeak, magiaz eta emozioz betetako ospakizun tradizional baten parte hartzeko aukera dakar. Erregeen laguntzaileek rol berezia betetzen dute, ume eta familietatik gertu, hauen emozioa bizi eta goxokiak banatzeaz arduratzen baitira.  

Parte hartu nahi dutenek email bat bidali behar dute erregekabalgatadeba@gmail.com helbidera. Debako Udalak aldez aurretik eskerrak eman nahi dizkie antolatzaile eta boluntario guztiei, ekitaldi hau antolatzeko erakutsitako eskuzabaltasunagatik eta laguntzagatik.

Bilera urtarrilaren 3an

Gainera, Kabalgataren antolatzaileek bilera informatiboa deitu dute 2024ko urtarrilaren 3rako, parte-hartzaile, paje eta antolatzaile guztiekin; 19:00etan izango da, udaletxeko Osoko Bilkuren aretoan.