Merkataritza euskalduntzeko lanketa egiten ari da Udala establezimenduetara bisitak eginez

UEMAk hainbat baliabide eskaintzen ditu arlo honetan eta Debako Udalak iaz abiatutako bideari jarraipena ematen ari zaio. Argi ikusi da eraginkorra dela establezimenduei proposamenak zuzenean egitea. Harrera ona izaten ari da. Dagoeneko hogei establezimendurekin egin da harremana eta konpromisoak hartzen ari dira. 

Euskarak haien proiektuari balio erantsia ematen diela oinarri hartuta, diru laguntzak, aholkularitza, itzulpen zerbitzua eta kartelgintza eskaintzen zaizkie merkatariei. Horrez gain, hizkuntzarekiko konpromiso batzuk hartzea proposatzen zaie (bakoitzak bereak, bere mailaren eta aukeren arabera) eta konpromiso horien jarraipena egiteko bidea zabaltzen da.

Hainbat arrazoi daude euskara lehen lerroan jartzeko: Hala nola, zerbitzua bezeroaren hizkuntzan eskaintzea kalitatezko zerbitzua ematea. Gure herriaren gehiengoa euskalduna da, %70etik gora; gazteak, ia denak. Horrez gain, euskaraz hitz egin ez arren, ulertzen dutenak eta ikasten ari direnak, asko dira.

Herritarrek eskertu egiten dute bertako hizkuntza erabiltzea eta gertuago sentitzen dituzte zerbitzua ematen dieten pertsonak, eta ondorioz establezimenduak hala egiten bada. Bisitarietatik askok ere euskaraz bizi den herri bat delako egiten dute, besteak beste.

Merkataritzako talde honekin erronda amaituta, jaten ematen duten taberna eta jatetxeetan abiatuko da lanketa. Paisaia linguistikoa euskalduntzeko bitartekoak eskaintzearekin batera, QR bidez menuak euskaraz irakurtzeko baliabideak eskainiko zaizkie.