Olatu batek Miramar estali du

2014/09/15
Hemendik aurrera Itziartik Debara datozen guztiei Debako hondartzara heltzean olatu handi batek emango die ongi etorria . Hondartza ingurua txukundu nahian udalak Miramar eraikineko fatxadan mural handi bat margotzea erabaki zuen. Arte Factory enpresako gazteek izan dute lanaren ardura eta Udalak eskatu bezala Debako hondartzan surfean dabilen emakume surflari bat irudikatu dute.

Murala margotzen hasi aurretik zintzilik zegoen kableatu guztia lur azpiratu behar izan zen eta jabeen baimena izan ondoren aldamioa jarri eta hasi ziren lanean Arte Factoryko gazteak. Dirudienez, Gipuzkoan egin den muralik handienetarikoa da, 500 metro karratu ditu eta 23 egun behar izan dituzte 28 metrotako pareta margotzeko. Prozesua grabatu dute eta bideoa ikusi nahi baduzu egin klik hemen.